ცსკა, რომელშიც ქართველი უკანახაზელი მანუჩარ მარკოიშვილი ასპარეზობს, ვითიბი ლიგის მეოთხედფინალში ჩაერთო. მოსკოველებმა რეგულარული ეტაპი პირველ ადგილზე დაასრულეს და მეოთხედფინალში მერვეადგილოსან "ასტანას" (ყაზახეთი) დაუპირისპირდნენ.
სერიის პირველი მატჩი რუსეთის დედაქალაქში გაიმართა და პირველი ტაიმის მიხედვით, ფავორიტის დასახელება რთული იყო - "ასტანამ" მხოლოდ ხუთი ქულით დათმო საწყისი 20 წუთი. თუმცა მისი კალათბურთელების სიყოჩაღემ დიდხანს ვერ გასტანა, მესამე პერიოდი მოსკოველებმა 25:9 მოიგეს და მატჩის ბედიც ნაადრევად გადაწყვიტეს. საბოლოოდ 103:58 ცსკა-ს სასარგებლოდ.
გამარჯვებულთა ბომბარდირი ფრანგი ნანდო დე კოლო გახდა, რომელმაც 20 წუთში 17 ქულას მოუყარა
ცსკა და "ასტანა" ერთმანეთს მეორედ დღეს (4 მაისს) დაუპირისპირდებიან. მატჩი ისევ მოსკოვში გაიმართება. სერია სამ მოგებამდეა.
ყოველდღიური სპორტული გაზეთი "ლელო"
