მანუჩარ მარკოიშვილი ვი-თი-ბი ლიგის ჩემპიონობას უახლოვდება. მოსკოვის ცსკა-მ, რომლის ღირსებასაც ქართველი უკანახაზელი იცავს, 5 ივნისს ფინალური სერიის მეორე მატჩიც მოუგო "ხიმკის", ამჯერად 94:81 და სერიაში 2:0 დაწინაურდა.შესაბამისად, ცსკა-ს ერთი გამარჯვება აშორებს ჩემპიონობამდე, რომლის მოპოვებაც ბევრს არაფერს ნიშნავს ისეთი ფლაგმანისთვის, როგორიც არმიული გუნდია. ევროლიგის ნახევარფინალში "ოლიმპიაკოსთან" დამარცხების შემდეგ მოსკოველებისთვის ვი-თი-ბი ლიგის მოგება მხოლოდ ნუგეში თუ იქნება
ფინალური სერიის მეორე მატჩში მარკოიშვილმა 11:16 წუთი ითამაშა და 3 ქულასთან ერთად 1 პასი მიითვალა. მანუჩარმა 3-დან 1 სამქულიანი ჩააგდო, 1 ორიანი კი ააცილა.
ფინალური სერიის მორიგი, მესამე მატჩი 8 ივნისს, "ხიმკის" მოედანზე, მოსკოვში გაიმართება.
წყარო: www.gbf.ge
