ზაზა ფაჩულია: ეს ჩვენი გუნდია, ჩვენი ოჯახია, ჩვენ ერთად უნდა ვიყოთ

ზაზა ფაჩულიას "დალას მავერიკსმა" ლოს ანჯელესში "კლიპერსს" 118:108 მოუგო, ჩვენებურმა კი ამ შეხვედრაში სეზონში მეოთხე ორმაგი დუბლი შეასრულა - 10 ქულა და 10 მოხსნა.


dallasnews.com-მა მატჩში სამი გადამწყვეტი მომენტი გამოჰყო, რომელთაგანაც ბოლო და ყველაზე მნიშვნელოვანი ზაზა ფაჩულიას მოხსნაა:

"ზაზა ფაჩულიას მე-10 მოხსნა დირკ ნოვიცკის იშვიათ აცილებას მოჰყვა. იმ მომენტისთვის თამაშში 2 წუთი და 7 წამი რჩებოდა. ფაჩულიაზე დაჯარიმდნენ და ზაზამ ორი საჯარიმო შეასრულა, ანგარიში 108-106 გახდა და ამის მერე უპირატესობა გაზარდა და თამაშიც მოიგო".

თამაშის შემდეგ si.com-თან კომენტარში ზაზამ შემდეგი თქვა:

"ყოველი თამაშის წინ მეტოქის შესწავლას მწვრთნელი დიდ დროს უთმობს. კარლაილი ის მწვრთნელია, რომელიც ასეთ რამეებს დიდ ყურადღებას აქცევს, ის ყოველთვის მზადაა თამაშისთვის.

ეს დიდი მოტივაციაა კალათბურთელებისთვისაც, რადგან მეც უნდა დარწმუნებული ვიყო, რომ მზად ვარ ისევე, როგორც ჩვენი მწვრთნელი.

ეს ჩვენი გუნდია, ჩვენი ოჯახია, ჩვენ ერთად უნდა ვიყოთ".

აღსანიშნავია, რომ ამ სეზონში ზაზა ფაჩულია თამაშში საშუალოდ 9,9 ქულას, 9,5 მოხსნას და 1,5 პასს აკეთებს. 2006/07 წლების სეზონის შემდეგ მას ასეთი შედეგიანობა არ ჰქონია. მაშინ ზაზა "ატლანტაში" თამაშობდა.