ვიქტორ სანიკიძის საუკეთესო მატჩი თურქეთის ჩემპიონატში. ანკარის "თედ კოლეჯში" მოთამაშე ქართველმა ფორვარდმა სეზონის საუკეთესო მატჩი თურქეთის მოქმედ ჩემპიონ "პინარ ქარშიაქასთან" ითამაშა. სანიკიძის ქებული თამაშის წყალობით ანკარელებმა ფავორიტად შერაცხილი მეტოქე 65:62 დაამარცხეს.
სანიკიძე სასტარტო ხუთეულში იყო და 25:46 წუთში 8-დან 6 ორქულიანი, 3-დან 1 სამქულიანი და 10-დან 7 საჯარიმო ჩააგდო. ქართველმა ფორვარდმა 22 ქულას 6 მოხსნა, 3 პასი, 3 ჩაჭრა და 1 დაფარება წაამატა და გასაკვირი არ ყოფილა, რომ მატჩის საუკეთესო მოთამაშეც გახდა. ისიც ვთქვათ, რომ ვიქტორს პასივში 3 დაკარგვა და ამდენივე პერსონალური ფოლი ჰქონდა.
"თედ კოლეჯმა" 4 მოგება და 5 მარცხი მოაგროვა და ტურის სხვა მატჩების დასრულებამდე, მე-7 ადგილზე გადაინაცვლა. 4 გამარჯვება აქვს მანუჩარ მარკოიშვილის "დარუშაფაკასაც", რომელიც მე-9 ტურის მატჩს 7 დეკემბერს, შინ, "ბუიუკჩეკმეჩესთან" გამართავს.
მომზადებულია gbf.ge-ს მიხედვით
10:38 07-12-2015
ვიქტორ სანიკიძის 22 ქულა და გამარჯვება თურქეთის ჩემპიონთან [VIDEO]
AutoSharing Option
მკითხველის კომენტარები / 0 /
მოწონებების მიხედვით
თარიღის მიხედვით
კომენტარი ჯერ არ გაკეთებულა.
გააკეთეთ კომენტარი
ასევე დაგაინტერესებთ
უძრავი ქონება
107.00 k
150.00 k
სიახლეები
პოპულარული
