ბექა ბურჯანაძე ესპანეთის ოქროს ლიგის საუკეთესო კალათბურთელობისკენ მიიწევს.
შეჯიბრებაში 12 ტურია გასული და 21 წლის ქართველი ფორვარდი უკვე მესამედ დასახელდა ტურის საუკეთესო კალათბურთელად. მესამედ ეს პატივი "კასერესთან" ჩატარებული ეფექტური მატჩის შემდეგ ერგო. მისმა "კორუნიამ" მეტოქე 10 ქულის სხვაობით, 85:75 დაამარცხა.
ბურჯანაძემ 27 წუთში 26 ქულა ჩააგდო, რასაც 10 მოხსნა მოაყოლა და ბრწყინვალე ორმაგი დუბლი გაიფორმა. მან 13-დან 8 ორქულიანი, 6-დან 3 სამიანი და 2-დან 1 საჯარიმო ჩააგდო.
ამ მოგებით ბოლოსწინა, მე-15 ადგილზე მყოფმა "კორუნიამ" მე-12-ზე აინაცვლა. მორიგ მატჩში, 16 დეკემბერს, სტუმრად "ბარსელონას" შეხვდება.
გამოცემა "ევრობასკეტზე", გარდა იმისა, რომ ბექა ტურის საუკეთესოდაა აღიარებული, მცირე დახასიათებაცაა:
"კორუნიული გუნდი მე-12 ადგილზეა. მას მოგებები ჰაერივით სჭირდება, რაშიც ძალიან ეხმარება ბექა ბურჯანაძე. იგი "კორუნიაში" მეორე სეზონს ატარებს, თუმცა დღეს წარმოუდგენელია ეს გუნდი ბექას გარეშე.
ახალგაზრდა ქართველს საოცარი საშუალო მაჩვენებლები აქვს: 18.9 ქულა, თამაშიდან ტყორცნების 64.4 პროცენტი, სამქულიანების 42.4 პროცენტი".
(იბეჭდება მცირე ცვლილებით)
ყოველდღიური სპორტული გაზეთი "ლელო"
10:13 15-12-2015
აღიარება - ბექა ბურჯანაძე ესპანეთში ტურის MVP მესამედ გახდა! [VIDEO]
AutoSharing Option
მკითხველის კომენტარები / 6 /
მოწონებების მიხედვით
თარიღის მიხედვით
ბექა სანაძესთან და სხვა ახალბედა ბიჭებთან ერთად, ქართული კალათბურთის მომავალია. ბექა ნაკრების მომავალი ლიდერია. ამაში ერთი წუთითაც არ მეპარება ეჭვი. ზაზას გავლენა კი ნაღდად ეტყობა.
0
0
და ის უნდა აღნიშნოთ , რომ ესპანეთის ქვედა დივიზიონია,ასევე ისიც რომ ბარსელონა ბ-ს ეთამაშება. 21 წლის ასაკში ,რომ არის ჩემი აზრით ცოტა უფრო მეტი მოეთხოვება. მიმიმუმ ალბათ უმაღლეს ლიგაში თამაში.
0
0
ყველა კომენტარი
გააკეთეთ კომენტარი
ასევე დაგაინტერესებთ
უძრავი ქონება
107.00 k
150.00 k
სიახლეები
პოპულარული
