ესპანეთის საკალათბურთო ჩემპიონატის მე-7 ტურში ქართველ კალათბურთელთა გუნდების გზები გადაიკვეთა. ბექა ბურჯანაძის "ლეიმა კორუნა ბასკეტა" გიორგი შერმადინის "ლაგუნა ტენერიფეს" უმასპინძლა და დიდი სხვაობით – 62:87 დამარცხდა. უმაღლესი ლიგის დებიუტანტმა, რომლის ღირსებასაც ბურჯანაძე იცავს, პირველი ნახევარი 3 ქულით მოუგო სტუმრებს, თუმცა მეორე ტაიმში ვერაფერი გააწყო და 25 ქულით დამარცხდა.ბურჯანაძე სასტარტო ხუთეულში იყო და მოედანზე არასრული 21 წუთი გაატარა. "კორუნას" ქართველმა ფორვარდმა 3 ცდიდან 2 ორქულიანი ჩააგდო, 2 საჯარიმო და სამქულიანი კი ააცილა. 4 ქულასთან ერთად ბურჯანაძემ 4 მოხსნა მიითვალა, 1
გიორგი შერმადინი თამაშში სათადარიგოთა სკამიდან ჩაერთო და მოედანზე მთლიანობაში 16:24 წუთი დაჰყო. ქართველმა ცენტრმა 6-დან 3 ორქულიანი და 1 საჯარიმო ჩააგდო, ჯამში კი 7 ქულა მოაგროვა. მის ანგარიშზე ასევე 1 ჩაჭრა იყო. ორივე ქართველმა სარგებლიანობის თანაბარი კოეფიციენტი – 4 დააგროვა. ტენერიფელებს ბრუნო ფიტიპალდომ ულიდერა 21 ქულით, "კორუნაში" კი საუკეთესო ტრეი ტომპკინსი იყო – 11 ქულა.
"ტენერიფეს" 5 მოგების წილ 1 მარცხი აქვს და ცხრილში საპატიო, მე-2 ადგილზე იმყოფება. ბურჯანაძის გუნდს კი 7 მატჩში მხოლოდ 2 გამარჯვება აქვს და მე-15 ადგილზეა.
GBF.GE
![alt](/pictures/image50/a8e8c0df60b06a28d991a3f860d0d1da.jpeg "ქართველების გზები ესპანეთში გადაიკვეთა | ბურჯანაძის "კორუნამ" შერმადინის "ტენერიფეს" უმასპინძლა")
შერმადინის "ტენერიფემ" წვიმის გამო გადადებულ მატჩში სტუმრად "ბრეოგანი" დაამარცხა
