"დალას მავერიკსმა" დღეს, გამთენიისას, "დეტროიტ პისტონს" უმასპინძლა და 96:102 დამარცხდა. ამ მატჩამდე გამართულ 2 შეხვედრაში ზაზა ფაჩულიამ ჯამში 25 წუთი ითამაშა, "დეტროიტთან" კი მოედანზე მთელი 35 წუთით გამოჩნდა და სეზონის 25-ე ორმაგი დუბლი მიითვალა.
ქართველი ცენტრი სასტარტო ხუთეულის დანარჩენ წევრებთან ერთად დიდად დაიტვირთა.
ხუთეულიდან ყველაზე ნაკლები - 34 წუთი ვესლი მეთიუზმა ითამაშა, ხოლო ყველაზე მეტი - 37-37 წუთი ჩენდლერ პერსონსმა და დერონ უილიამსმა. ფაჩულიამ 6-დან 3 ორქულიანი და 5-დან 4 საჯარიმო ჩააგდო. 10 ქულასთან ერთად ზაზამ 13 მოხსნა და 1 პასი მიითვალა. საუკეთესო შედეგი დირკ ნოვიცკიმ დააფიქსირა, რომელმაც 35 წუთში 25 ქულა, 10 მოხსნა და 3 პასი მიითვალა.
დალასელებმა მატჩი ბოლო მეოთხედში წააგეს, როცა დეტროიტელთა 12:2 გაქცევა გაეპარათ და სტუმრებმა მოპოვებული უპირატესობა აღარ გაუშვეს. გადამწყვეტი გამოდგა მარკუს მორისის 2 სამქულიანი, რომელიც დეტროიტელმა ფორვარდმა ბოლო პერიოდში ჩააგდო.
დასავლეთ კონფერენციაში დალასელებს ჰიუსტონელები წამოეწივნენ. ორივე გუნდს 33 მოგება და 32 მარცხი აქვს და მე-7-მე-8 ადგილებს ინაწილებენ. 12 მარტს ფაჩულიას გუნდი "ინდიანას" უმასპინძლებს.
მომზადებულია gbf.ge-ს მიხედვით
10:31 10-03-2016
ზაზა ფაჩულიამ NBA-ს მიმდინარე სეზონში 25-ე ორმაგი დუბლი მიითვალა [VIDEO]
AutoSharing Option
მკითხველის კომენტარები / 0 /
მოწონებების მიხედვით
თარიღის მიხედვით
კომენტარი ჯერ არ გაკეთებულა.
გააკეთეთ კომენტარი
ასევე დაგაინტერესებთ
!["2+1" - რა ფოტოს აქვეყნებს ფაჩულია "გოლდენ სტეიტის" მორიგი ჩემპიონობის შემდეგ [PHOTO]](/pictures/image7/18d55b767c968851e93dbc58de20707b.jpg "\"2+1\" - რა ფოტოს აქვეყნებს ფაჩულია \"გოლდენ სტეიტის\" მორიგი ჩემპიონობის შემდეგ [PHOTO]")
107.00 k
150.00 k
სიახლეები
პოპულარული
