"დალას მავერიკსის" ქართველი კალათბურთელი ზაზა ფაჩულია ზაფხულში თავისუფალი აგენტი ხდება და დიდი ალბათობით, გუნდს დაემშვიდობება. NBA-ს 2015-16 წლების სეზონი ფაჩულიასთვის გამორჩეულად წარმატებული იყო, გუნდმა კი პლეი ოფში ითამაშა. Mavs.com-ი ქართველი ცენტრისა და "დალასის" მთავარი მწვრთნელის კომენტარებს აქვეყნებს.
ზაზას თქმით, ის სანამ არჩევანს გააკეთებს, კარგად დაფიქრდება...
"ვფიქრობ, რომ ეს საკმაოდ წარმატებული სეზონი გამოდგა გუნდისთვის. რა თქმა უნდა, რთულია ამის თქმა, როცა რამდენიმე შეხვედრას ზედიზედ წააგებ, მაგრამ გამომდინარე იქიდან, როგორ დავიწყეთ და რას ელოდა გულშემატკივარი ჩვენგან, შეიძლება წარმატებულად შევაფასოთ სეზონი.
აბსოლუტურად ყველა
იყო ისეთი მატჩებიც, სადაც გული დაგვწყდა წაგებაზე, მაგრამ რას ვიზამთ...
მომავალში რა იქნება, არ ვიცი, ვნახოთ. რამდენჯერმე ვიყავი თავისუფალი აგენტი - ეს ჩვეულებრივი პროცესია. გადაწყვეტილების მიღებისას კარგად უნდა დაფიქრდე, ამიტომ ვნახოთ... ერთი კი ვიცი, რომ თავდაჯერებული ვარ და ვიმედოვნებ, გამოცდილების ხარჯზე ისეთ არჩევანს გავაკეთებ, რომელიც ჩემთვისა და ჩემი ოჯახისთვის სასიკეთო იქნება.
ვინც არ უნდა მოვიდეს "დალასში", მას აქაურობა ეყვარება. ამ გუნდის მთავარი მიზანი მხოლოდ გამარჯვებაა. და თუ გსურს, გამარჯვებული იყო, შენი ადგილი აქ არის!", - განაცხადა ფაჩულიამ.
ზაზაზე ისაუბრა გუნდის მთავარმა მწვრთნელმა რიკ კარლაილმა.
"მიმდინარე სეზონში ზაზა გუნდის წამყვანი მოთამაშე იყო. ვიცი, რომ ბევრია მისი თამაშით გაოცებული, მაგრამ მე მისი გაცნობის შემდეგ აღარ მიკვირს ეს ყველაფერი. ის გამოცდილია და მზად იყო, გუნდს ნებისმიერ მომენტში დახმარებოდა. მან ბევრი გააკეთა ჩვენთვის", - აღნიშნა მან.
!["2+1" - რა ფოტოს აქვეყნებს ფაჩულია "გოლდენ სტეიტის" მორიგი ჩემპიონობის შემდეგ [PHOTO]](/pictures/image7/18d55b767c968851e93dbc58de20707b.jpg "\"2+1\" - რა ფოტოს აქვეყნებს ფაჩულია \"გოლდენ სტეიტის\" მორიგი ჩემპიონობის შემდეგ [PHOTO]")
