მნიშვნელობა არ აქვს, გიყვარს თუ არა სპორტი, გაინტერესებს თუ არა კალათბურთი, არის მატჩები, რომლებსაც ყველა ქართველმა უნდა უყუროს. რა სჯობს იმის ცქერას, შენი თანამემამულე ევროპის გრანდის, "რეალის" ფარქვეშ "მთიულურს" რომ ცეკვავს...
შეგიძლიათ განმეორებით ნახოთ გუშინდელი საევროლიგო მატჩის, "რეალი"-"ბასკონიას" ფრაგმენტები და თავადაც ისიამოვნებთ თორნიკე შენგელიას თამაშით.
ფარქვეშ მისი შეჩერება მადრიდელებს ძალიან უჭირდათ. იყო ეპიზოდები, როდესაც ბურთიანად დატრიალებული შენგელია სად ამოყვინთავდა, ვერავინ ხვდებოდა, გარდა ერთისა - თავად შენგელიასი, რომელმაც 27 წუთში 14 ქულა, 3 მოხსნა და 1 დაფარება მიითვალა. მან 10-დან 5 ორქულიანი, 6-დან 4 საჯარიმო ჩააგდო.
მატჩის ბომბარდირი სლოვენიელი იაკა ბლაჟიჩი გახდა, რომელმაც 21 ქულა მოაგროვა. აქედან 12 ქულა სამქულიანებით. ბოლო ორი სამიანი უკანასკნელ წუთებზე გამოიყენა. ერთ-ერთი მათგანი გამარჯვების მომტანი აღმოჩნდა: საფინალო სირენამდე 10 წამით ადრე ფარქვეშ შეიჭრა შეინ ლარკინი, რომელსაც, ალბათ, ჩაგდება უნდა ეცადა, მაგრამ პერიმეტრზე ბლაჟიჩთან აიტანა. იაკამაც მეოთხე სამიანი მოახვედრა მიზანში და - 91:87 სტუმართა სასარგებლოდ.
სამი ტურის შემდეგ "ბასკონიას" 2 მოგება აქვს და 16-გუნდიან ევროლიგაზე მე-6 ადგილზეა. შეგახსენებთ, რომ თექვსმეტივე გუნდი ერთმანეთს შინ და სტუმრად ხვდება, ხოლო რეგულარულ ეტაპს პლეი ოფი მოჰყვება.
(იბეჭდება მცირე ცვლილებით)
ყოველდღიური სპორტული გაზეთი "ლელო"
10:57 26-10-2016
ცეკვა "მთიულური" "სამეფო გუნდის" ფარქვეშ - შენგელია, ბლაჟიჩი და მადრიდში ძლეული "რეალი" [VIDEO]
AutoSharing Option
მკითხველის კომენტარები / 9 /
თარიღის მიხედვით
მოწონებების მიხედვით
Kალათბურთის საერთაშორისო ასიციაციამ აკრძალა Fარქვეშ მთიულურის ცეკვა, გარბენად ითვლება
0
0
მე ვენაცვალე ყველა ქართველ სპორტსმენს,რომლებიც საზღვარგარეთ თამაშობენ,მათ შორის რა თქმა უნდა თორნიკე შენგელიასაც,მაგრამ რა საჭიროა არაობიექტური შეფასებები და ზღვარსგადასული ქება,როცა რეალობა სულ სხვაა.თოკომ 27 წუთში 4ჯერ დაკარგა ბურთი არ გაუკეთებია არც ერთი შედეგიანი გადაცემა,ფარიდან სულ 3ჯერ მოხსნა ბურთი და საშუალო სროლებიდან ჰქონდა50%იანი მაჩვენებელი(10-დან 5).ეს კი მისი ამპლუის და შესაძლებლობის მოთამაშისთვის დიდი ვერაფერი შედეგია,თქვენ კი ამბობთ ფარქვეშ"მთიულური"-ო.არ სჭირდება შენგელიას "ურაპატრიოტული"შეფასებები.
0
0
თამაში სად შეიძლება ვნახო? თუ ვინმემ ლინკი იცით დადეთ რა, მადლობა წინასწარ.
0
0
უყურეთ ხოლმე პირდაპირ რეპორტაჟებს და ნახავთ, თუ არ გაინტერესებთ, ეგ სხვა საქმეა. ვულოცავ თოკოს და წარმატებები!
0
0
იმედია დაცვაში მაინც ითამაშა კარგად... ისე ყველა მომენტში მოედანზეა, ესეიგი საჭირო იყო
0
0
ვერც შენგელია ვნახე და ვერც მთიულური
0
0
ეგ კარგი მაგრამ შენგელიას თამაში სად არის?
0
0
ჰაილაითებში შენგელია არ მოხვდა.
0
0
მაგრები ხარტ რა ასეთ სათაურს რო აწერთ ერთი მომენტი მაინც გეჩვენებინათ შენგელიასი ჩაგდებული ბურთის,
0
0
თარიღის მიხედვით
მოწონებების მიხედვით
გააკეთეთ გამოხმაურება
X
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.
ასევე დაგაინტერესებთ
![შენგელიას შედეგიანი მატჩი და "ვირტუსის" მარცხი "ბაიერნთან" [VIDEO]](/pictures/image7/a8fa5e7304e13f638a40980a22fddc2b.jpg "შენგელიას შედეგიანი მატჩი და \"ვირტუსის\" მარცხი \"ბაიერნთან\" [VIDEO]")
უძრავი ქონება
სიახლეები
პოპულარული
