ესპანეთის ქალაქ ტენერიფეზე გამართულ კემპში მიიღო მონაწილეობა დავით ხიზანიშვილმა (1987), რომელიც კარიერას თსუ-ში აგრძელებს.- ათდღიანი ღონისძიება უმაღლეს დონეზე იყო ორგანიზებული. მასში სხვადასხვა ქვეყნის კალათბურთელები მონაწილეობდნენ, რომლებსაც ესპანური გუნდებისთვის არჩევდნენ.
კემპს სხვადასხვა ლიგის მწვრთნელები ესწრებოდნენ.
ურიგოდ არ გამოვსულვარ. მივიღე მოწვევა ება-ს გუნდებიდან, თუმცა ვფიქრობ, რომ ამ ეტაპზე საქართველოში მაქვს დასამტკიცებელი.
ამიტომ გადავწყვიტე, ეს სეზონიც ეროვნულ ჩემპიონატში ჩავატარო და უცხოეთში წასვლაზე მერე ვიფიქრო, - გვითხრა დათომ, რომელიც იმედოვნებს, რომ თსუ-სთან ერთად წარმატებული სეზონი ექნება.
ყოველდღიური სპორტული გაზეთი "ლელო"
