11 ოქტომბერს, ევროჩელენჯის საკვალიფიკაციო ეტაპის განმეორებით მატჩში "სოხუმი" ბელორუსიის დედაქალაქ მინსკში "მინსკი-2006"-ს შეხვდება. თამაში თბილისის დროით 20:00 საათზე დაიწყება."სოხუმის" გუნდი მინსკში 10 ოქტომბრიდან იმყოფება, სადაც ასრულებს მზადებას ევროჩელენჯის საკვალიფიკაციო რაუნდის მეორე მატჩისათვის. 10 ოქტომბრის საღამოს და სამშაბათს დილით, "სოხუმის" მოთამაშეებმა და მწვრთნელებმა გამართეს ვარჯიში უზარმაზარ სპორტულ კომპლექს "არენაში", რომელიც 15 000 მაყურებელს იტევს. სწორედ ამ სპორტულ კომპლექსში დღეს საღამოს შედგება მატჩი.
მოსალოდნელია, რომ დღევანდელი თამაშზე "მინსკ-2006"-ის გულშემატკივრების გარდა, მაყურებელთა შორის ასევე იქნება რამდენიმე ასეული სოხუმელთა გულშემატკივარი, რომელიც ბელორუსიაში ცხოვრობს.
ლაშა ფარღალავა, ირაკლი აშუბა-სორდია, პიერ პირსი, გიორგი გაფრინდაშვილი, ირაკლი ჩლაიძე, ბრენდონ გაი, ფრენკ რობინსონი, მიხეილ ბერიშვილი, ლევან ფაცაცია, ვახტანგ ქადარია, მარკ სალიერსი და სერგო ათუაშვილი.
მთავარი მწვრთნელი: აინარს ბაგატსკისი.
sokhumibc.com
