2016 წლის ზაფხულის თამაშების დედაქალაქში, ბრაზილიის რიო დე ჟანეიროში, ლონდონის ოლიმპიადის საკალათბურთო ტურნირის წილისყრა გაიმართა.12 გუნდი ორ ჯგუფად დაიყო:
A ჯგუფი: აშშ, საფრანგეთი, არგენტინა, ტუნისი, საკვალიფიკაციო (I), საკვალიფიკაციო (II);
B ჯგუფი: ესპანეთი, ავსტრალია, ბრაზილია, ჩინეთი, ბრიტანეთი, საკვალიფიკაციო (III).
შეგახსენებთ, რომ მომავალი ოლიმპიადის ყველა მონაწილე ჯერ არ არის ცნობილი. 2-8 ივნისს ვენესუელაში გაიმართება საკვალიფიკაცია ტურნირი, რომელშიც 12 ნაკრები მიიღებს მონაწილეობას (საბერძნეთი, პუერტო რიკო, იორდანია, ნიგერია, ლიტვა, ვენესუელა, რუსეთი, დომინიკის რესპუბლიკა, კორეა, ანგოლა, ახალი ზელანდია, მაკედონია) და მათგან სამი საუკეთესო მოიპოვებს
რიო დე ჟანეიროში ქალთა ტურნირის წილისყრაც შედგა და აქაც 12 გუნდი ორ ჯგუფში გადანაწილდა:
A ჯგუფი: აშშ, ჩინეთი, ანგოლა, საკვალიფიკაციო (I), საკვალიფიკაციო (II), საკვალიფიკაციო (IV);
B ჯგუფი: ავსტრალია, ბრაზილია, რუსეთი, ბრიტანეთი, საკვალიფიკაციო (III), საკვალიფიკაციო (V).
ქალებს შორის საკვალიფიკაციო ტურნირი თურქეთში 25 ივნისიდან პირველ ივლისამდე გაიმართება და მასში მონაწილეობას მიიღებენ – თურქეთი, იაპონია, პუერტო რიკო, ჩეხეთი, ახალი ზელანდია, არგენტინა, ხორვატია, კორეა, მოზამბიკი, საფრანგეთი, მალი და კანადა. ისინი ლონდონის ხუთ საგზურს გაითამაშებენ.
* * *
ამასობაში ეროვნული საკალათბურთო ასოციაციის კომისარმა დევიდ სტერნმა დარწმუნებით განაცხადა იმის შესახებ, რომ ოლიმპიურ თამაშებზე მხოლოდ 23 წლამდე კალათბურთელები უნდა თამაშობდნენ.
"ამ საკითხთან დაკავშირებით ჩემი პირადი აზრი ასეთია: ლონდონის ოლიმპიადის შემდეგ მაგალითი ფეხბურთისგან უნდა ავიღოთ და მონაწილეებისთვის ასაკზე შეზღუდვა უნდა დავაწესოთ. ვფიქრობ, ღირს ოლიმპიადაზე მონაწილეობისთვის მხოლოდ 23 წლამდე კალათბურთელები დავუშვათ", - ამბობს სტერნი.
ყოველდღიური სპორტული გაზეთი "ლელო"
