პოპულარული კომპიუტერული თამაშის - NBA 2K-ის შემქმნელებმა გადაწყვიტეს, პატივისცემა გამოხატონ აშშ-ის ლეგენდარული ნაკრების მიმართ, რომელმაც "დრიმ თიმის" სახელწოდებით 1992 წელს ბარსელონას ოლიმპიადა მოიგო.NBA2K13-ის საშუალებით გეიმერებს ლეგენდარულ "ოცნების გუნდთან" ერთად თამაში შეეძლებათ. იმ ნაკრების შემადგენლობაში ბრწყინავდნენ მაიკლ ჯორდანი, მეჯიქ ჯონსონი, ჩარლზ ბარკლი, კარლ მელოუნი, ჯონ სტოქტონი, პატრიკ იუინგი და სხვები. მათ ზუსტად 20 წლის წინ მთელ მსოფლიოს წარმოდგენა შეუცვალეს კალათბურთზე.
ასევე, გეიმერებს შეეძლებათ, შეიტყონ პასუხი კითხვაზე - რომელი გუნდი უფრო ძლიერია: 1992 წლის "დრიმ თიმი" თუ ლონდონის ოლიმპიური თამაშების ჩემპიონები?
ყოველდღიური სპორტული გაზეთი "ლელო"
