გრძელდება მილოშ ტეოდოშიჩის სატრანსფერო ეპოპეა. მისმა ამჟამინდელმა კლუბმა "ოლიმპიაკოსმა" ოფიციალურად გამოაცხადა, რომ არ აპირებს გაიმეოროს იმ კონტრაქტის პირობები, რომელიც სერბს მოსკოვის ცსკა-მ შესთავაზა. ამის შემდეგ ბერძნულმა პრესამ გამოაცხადა, რომ ტეოდოშიჩი მოსკოვში გაფრინდა არმიელებთან კონტრაქტის გასაფორმებლად, თუმცა ჯერჯერობით უცნობია, რამდენად მართალია ეს ინფორმაცია, მით უმეტეს, რომ სერბეთის ნაკრებმა ევროპის ჩემპიონატისთვის მზადება დაიწყო და ტეოდოშიჩს ტრანსფერისთვის არ სცალია.
მოკლედ, ჯერჯერობით ისაა ცნობილი, რომ მილოშმა დატოვა "ოლიმპიაკოსი", მისი მომავალი კლუბის სახელს კი, სავარაუდოდ, ევრობასკეტის შემდეგ შევიტყობთ.
* * *
როგორც გუშინდელ ნომერში ვწერდით,
* * *
"რეალმა" რუდი ვერ გადაიბირა, სამაგიეროდ, ახალი კონტრაქტი გაუფორმა ფორვარდ ნოვიცა ველიჩკოვიჩს, რომლის გადაბირებით ბერძნული "პანათინაიკოსი" იყო დაინტერესებული.
ეს კალათბურთელი შარშან ევროლიგაში 3.4 ქულასა და 2.8 მოხსნას აგროვებდა.
* * *
ძალიან აქტიურია სატრანსფერო ბაზარზე "მილანი", რომელსაც ცოტა ხნის წინ სათავეში ჩაუდგა ესპანეთის ნაკრების დამრიგებელი სერჯო სკარიოლო.
მას შემდეგ, რაც იტალიურმა კლუბმა ვერ შეძლო ლიტველების - დარიუშ ლავრინოვიჩისა და შარუნას იასიკიავიჩუსის დამატება, მილანელებმა მიზანში ამოიღეს ცენტრი ბონიფაცი ნდონგი, რომელმაც ახლახანს დატოვა "ბარსელონა".
მთავარი ამბავი კი, რომელიც "მილანს" უკავშირდება, "გაძეტა დელო სპორტმა" გამოაქვეყნა - სკარიოლოს გუნდი კონტრაქტს სთავაზობს "ნიუ ორლეან ჰორნეტსის" წევრ კაილ ლენდრის. თუ მილანელებს ტრანსფერი გამოუვიდათ, ეს იქნება ერთ-ერთი ყველაზე ხმაურიანი გარიგება ევროპულ ბაზარზე.
* * *
გარკვეული პრობლემები აქვს ევრობასკეტის წინ საფრანგეთის კალათბურთის ფედერაციას. ეს ორგანიზაცია ფულს ეძებს იმისთვის, რომ დაფაროს ტონი პარკერისა და NBA-ში მოთამაშე სხვა ვარსკვლავების დაზღვების დანახარჯები. წინააღმდეგ შემთხვევაში, ისინი მონაწილეობას ვერ მიიღებენ ევროპის ჩემპიონატში.
ქვეყნის კალათბურთის ფედერაციის პრეზიდენტის ჟან-პიერ სიუტის თქმით, პოტენციურ სპონსორებად განიხილებიან სახელმწიფო და კერძო კომპანიები.
ყოველდღიური სპორტული გაზეთი "ლელო"
