კალათბურთში მსოფლიოს ჩემპიონატის ფინალური ეტაპი 24-დან 32 გუნდამდე გაიზრდება და ახალი წესებით გაიმართება, - წერია კალათბურთის საერთაშორისო ფედერაციის პრეს-რელიზში, რომელიც 11 ნოემბერს, გვიან ღამით გამოქვეყნდა. ძირითადად, ცვლილებები შეეხება საკვალიფიკაციო ტურნირის ფორმატს.
მსოფლიოს ჩემპიონატის შესარჩევი ტურნირი ორი წელი გაგრძელდება. ამ შეჯიბრის რანგში ყველა გუნდი ორ დივიზიონად დაიყოფა და თითოში იქნება სამი-ოთხი ნაკრებისგან შემდგარი რამდენიმე ჯგუფი. შერჩევის ზუსტი პროცედურა გაურკვეველია, მაგრამ პრეს-რელიზში წერია, რომ ჯგუფების წაგებულებსაც რჩებათ ფინალურ ეტაპზე მოხვედრის შანსი. შესარჩევ მატჩებს ნაკრებები შინ და გარეთ ჩაატარებენ.
ასევე, 2017 წლიდან შეიცვლება
მსოფლიოს მომდევნო ჩემპიონატი - 2014 წელს, ესპანეთში ძველი წესებით ჩატარდება. ახალი რეგლამენტით კი მსოფლიოს პირველი ჩემპიონატი 2019 წელს გაიმართება (და არა 2018 წელს). ამ ჩემპიონატზე გამოვლინდებიან 2020 წლის ოლიმპიადის მონაწილეები.
(იბეჭდება მცირე ცვლილებით)
ყოველდღიური სპორტული გაზეთი "ლელო"
