ნაციონალური საკალათბურთო ასოციაციის ისტორიაში ერთერთმა საუკეთესო ცენტრმა ოთხშაბათს განაცხადა, რომ აპირებს დაასრულოს ბრწყინვალე კარიერა, რომელიც 19 სეზონი გრძელდებოდა და მას ოთხი ჩემპიონის ტიტული მოუტანა."ბოსტონ სელტიქსის" 39 წლის ცენტრმა, რომელიც ბოლო ხანს ტრავმებმა დატანჯა, კალათბურთიდან წასვლის სურვილის შესახებ თავის მოკრობლოგში განაცხადა. ონილმა გულშემატკივრებს 16 წამიანი ვიდეორგოლით მიმართა. "ჩვენ ეს გავაკეთეთ. 19 წელი გავიდა. ყველას დიდი მადლობა. ამიტომ პირველებს თქვენ გეუბნებით: წასვლასთან ახლოს ვარ. მიყვარხართ".
თუმცა "სელტიქსში" ირწმუნებიან, რომ ვარსკვლავისგან მსგავსი არაფერი გაუგიათ. "რამდენადაც ვიცი, მას წასვლის შესახებ არცერთი ჩვენგანისთვის არ
ონილის პირველი კლუბი ნბა-ში "ორლანდო მეჯიქსი" იყო, რომელმაც ის 1992 წლის დრაფტზე პირველ ნომრად აირჩია. მესამე სეზონში მან პლეიოფის ფინალამდე გააღწია, რის შემდეგაც ნბა-ს ერთერთ უძლიერეს კლუბში -"ლოს ანჯელეს ლეიკერსში" გადავიდა.
სწორედ ანგელოზების ქალაქში მიაღწია შაკმა დიდ წარმატებებს. თუმცა, 2004 წელს "მაიამი ჰითსში" მოუხდა გადასვლა. იქ მან ჩემპიონის მეოთხე ტიტული მოიპოვა, რის შემდეგაც ჯერ ფინიქსში გადავიდა, შემდეგ კლივლენდში, ბოლოს კი ბოსტონში.
ნბა-ში გამოსვლის წლებში შაკილ ონილმა 28 596 ქულა მოაგროვა. ეს ლიგის ისტორიაში მეხუთე მაჩვენებელია. მოხსნების რაოდენობით (13099) ის 12-ე ადგილს იკავებს. მაგრამ ყველაზე მთავარი ისაა, რომ ის ნბას ერთერთი ყველაზე ქარიზმატული მოთამაშე გახდა, ერთერთი მათგანი, ვის სანახავადაც ხალხი დადიოდა. და შესაძლოა, ის ერთერთი უკანასკნელი წარმომადგენელი იყოს იმ ჯადოქარი კალათბურთელების ეპოქის, რომელსაც ქარიმ აბდულ ჯაბარი, ლერი ბერდი, მეჯიქ ჯონსონი და მაიკლ ჯორდანი ქმნიდნენ.
