რეალის ახალი მწვრთნელი, ნოვიცკის გეგმები და სხვა ამბებიწლევანდელ დრატფზე პირველი ნომრის არჩევის უფლება "კლივლენდ კავალიერზს" აქვს და როგორც ამერიკული პრესა ვარაუდობს, გასული სეზონის აუთსაიდერი არჩევანს ცენტრ ენეს კანტერზე შეაჩერებს. თურქი კალათბურთელი კლივლენდში იმყოფებოდა და "კავალიერსთან" ერთად რამდენიმე ვარჯიში ჩაატარა.
კლუბის ხელმძღვანელობა ამ ფაქტთან დაკავშირებით კომენტარს არ აკეთებს, მაგრამ ჟურნალისტები ვარაუდობენ, რომ "კლივლენდი" სწორედ კანტერის დახმარებით აპირებს კრიზისიდან გამოსვლას.
ლებრონ ჯეიმსის წასვლის შემდეგ "კავალიერზმა" 82 მატჩში 63 წააგო და სეზონის მსვლელობისას რამდენიმე ანტირეკორდი დაამყარა.
* * *
კიდევ ერთი ევროპელი,
თავად კალათბურთელს არ მოსწონს ამგვარი პერსპექტივა და ახლა, ცდილობს "ლეტუვოს რიტასთან" კონტრაქტის გამოსყიდვას.
* * *
მადრიდის "რეალმა" მწვრთნელის საკითხი მოაგვარა. მომავალ სეზონში "სამეფო კლუბს" პაბლო ლასო გაწვრთნის - მასთან უკვე გაფორმდა ორწლიანი კონტრაქტი.
ესპანელ სპეციალისტს მოქმედი ხელშეკრულება ჰქონდა "ლაგუნ აროსთან", მაგრამ ლასომ კონტრაქტი გაწყვიტა და "რეალში" გადავიდა კარიერის გასაგრძელებლად.
* * *
მოსკოვის ცსკა-მ სერიოზული შევსება მიიღო ოკეანის გაღმიდან. არმიელებთან კონტრაქტი გააფორმა "ბოსტონ სელტიქსის" სერბმა ცენტრმა ნენად კრსტიჩმა. ხელშეკრულება ორწლიანია. ცსკა-ს მთავარი მწვრთნელი იონას კაზლაუსკასი ამბობს, რომ კრსტიჩი სწორედ ის ცენტრია, რომელიც გასულ სეზონში გუნდს აკლდა.
კრსტიჩმა გასული სეზონი "ოკლაჰომაში" დაიწყო და შემდეგ "ბოსტონში" გადავიდა, სადაც საშუალოდ 10 ქულას აგროვებდა.
სერბის გარდა, ცსკამ "შოლედან" შეიძინა დომინიკის რესპუბლიკის წარმომადგენელი სემი მეჰია. და კიდევ, არმიელებმა ორი წლით გააგრძელეს კონტრაქტი ლიტველ რამუნას შიშკაუსკასთან.
* * *
"გოლდენ სტეიტის" ხელმძღვანელობამ, როგორც იქნა, გადაწყვიტა თავისი საუკეთესო სნაიპერის მონტა ელისის სხვა გუნდში გაშვება. თუ HoopsHype-ს დავუჯერებთ, კლუბმა თითქმის მოაგვარა ელისის "ფილადელფიაში" ანდრე იგუოდალას ნაცვლად გაშვება. შესაბამისი შეთავაზება უკვე მიიღო "სიქსერზის" ხელმძღვანელობამ. ახლა ჯერი მათ გადაწვეტილებაზეა.
* * *
გუშინდელ ნომერში ვწერდით იმის შესახებ, რომ "ფინიქსი" სადაცაა გამოისყიდის ვეტერანი ვარსკვლავის ვინს კარტერის კონტრაქტს, რის შემდეგაც ის თავისუფალი აგენტი გახდება. გუშინ ცნობილი გახდა, რომ კარტერის სამსახურით ორი კლუბი - "ჩიკაგო" და "ნიუ იორკი" არიან დაინტერესებული. ამასთან, "ბულზს" ვინსისთვის მხოლოდ ვეტერანის მინიმალური ხელფასის შეთავაზება შეუძლია, სამაგიეროდ, ამ გუნდში მას ჩემპიონობის მეტი შანსი ექნება.
* * *
დევიდ ანდერსენი, რომელმაც მთელი წელი ჯერ "ტორონტოს", შემდეგ კი "ნიუ ორლეანის" სათადარიგოთა სკამზე გაატარა, სავარაუდოდ ევროპაში დაბრუნდება. როგორც ვებგვერდი Sportando იტყობინება, ავსტრალიელ ცენტრს კონტრაქტს სთავაზობენ იტალიის "მონტეპასკი" და საბერძნეთის "ოლიმპიაკოსი".
* * *
წლევანდელი ფინალური სერიის უძვირფასესი მოთამაშე დირკ ნოვიცკი ევროპის ჩემპიონატზე გერმანიის ნაკრების რიგებში თამაშს აპირებს. "დალასის" ლიდერს უნდა დაეხმაროს თავის გუნდს ლონდონის ოლიმპიური თამაშების საგზურის მოპოვებაში.
სავარაუდოდ, ნოვიცკი საბოლოო გადაწყვეტილებას უახლოესი ორი კვირის განმავლობაში მიიღებს. გერმანულ გუნდს ევრობასკეტზე პირველ ექვსეულში მოხვედრა დასჭირდება იმისთვის, რომ 2012 წლის ზაფხულის ოლიმპიადაზე გაემგზავროს. დირკს 2008 წლის შემდეგ არ უთამაშია ეროვნულ გუნდში. მისი ბოლო დიდი ტურნირი პეკინის ოლიმპიადა იყო.
ყოველდღიური სპორტული გაზეთი "ლელო"
