როგორც მოსალოდნელი იყო, ეროვნული საკალათბურთო ასოციაციის სუპერვასკვლავმა დერონ უილიამსმა ოფიციალურად გამოაცხადა "ბეშიქთაშთან" კონტრაქტის გაფორმების შესახებ.ერთწლიანი ხელშეკრულება ითვალისწინებს გამთამაშებლის დაუყოვნებლივ "ნიუ ჯერსი ნეტსში" დაბრუნებას - როგორც კი NBA-ში ლოკაუტი დასრულდება. ESPN-ის ინფორმაციით, თურქეთში დერონის ხელფასი თვეში 500 ათასი დოლარი იქნება. უახლოეს დღეებში ამერიკაში გაიმართება პრესკონფერენცია, რომელიც ამ მოვლენას მიეძღვნება. სავარაუდოდ, უილიამსი სტამბოლურ კლუბს სექტემბერში შეუერთდება.
ცნობილია, რომ "ბეშიქთაშს" NBA-ის კიდევ ერთი სუპერვარსკვლავის შეძენა სურდა, მაგრამ, როგორც ჩანს, კობი ბრაიანტს არ ხიბლავს თურქეთში გადასვლის პერსპექტივა. არადა, კლუბის ხელმძღვანელობა ზუსტად ისეთი ხელფასის
თუმცა წინადადება ძალაშია და კობის ნებისმიერ დროს შეუძლია თანხმობა განაცხადოს.
P. S. გუშინ, გვიან ცნობილი გახდა, რომ "ბეშიქთაშს" სერიოზული პრობლემები შეექმნა. კერძოდ, ფეხბურთში ჩაწყობილ თამაშებთან დაკავშირებული სკანდალის
გამო კლუბის ფინანსური ანგარიშები დაყადაღებულია. ასე რომ, უილიამსის გაფორმების პროცესი შეიძლება შეფერხდეს ან საერთოდ ჩაიშალოს.
* * *
"მაიამი ჰიტის" ერთ-ერთმა ლიდერმა დუეინ უეიდმა ორივე თვალზე ოპერაცია გაიკეთა. ამ პროცედურის წყალობით ფლორიდელ ვარსკვლავს აღარ დასჭირდება სათვალე ან კონტაქტური ლინზები.
გასულ სეზონში "ყველა ვარსკვლავის მატჩის" შვიდგზის მონაწილე საშუალოდ მატჩში 25.5 ქულასა და 6.4 მოხსნას აგროვებდა.
* * *
ევროპის ჩემპიონატზე სერიოზული დანაკლისი ექნება ლატვიის ნაკრებს. მას მეზობელ ლიტვაში ორი ლიდერის ანდრის ბიედრინშისა და კრისტაპს იანიჩენოკსის გარეშე მოუწევს თამაში.
როგორც იცით, "გოლდენ სტეიტის" ცენტრმა ბიედრინშმა 2010-11 წლების სეზონის დიდი ნაწილი მრავალრიცხოვანი ტრავმების გამო გამოტოვა და არ არის ფიზიკურ ფორმაში. რაც შეეხება რიგის ვეფ-ის წამყვან მოთამაშეს იანიჩენოკს, მან ვერ მოასწრო ტრავმის შემდეგ აღდგენა.
ევრობასკეტზე ლატვიელები B ჯგუფში სერბეთის, იტალიის, გერმანიის, ისრაელისა და საფრანგეთის ნაკრების წინააღმდეეგ ითამაშებენ.
ყოველდღიური სპორტული გაზეთი "ლელო"
