წინა ნომერში ვწერდით იმის შესახებ, რომ "მაიამი ჰიტის" ლიდერი ლებრონ ჯეიმსი დათანხმდა საჩვენებელ მატჩში თამაშს, რომელშიც ერთმანეთს უნდა შეხვედროდნენ ბალტიმორისა და ვაშინგტონის ვარსკვლავები. გამარჯვება ბალტიმორმა მოიპოვა, რომლის რიგებში სწორედ ლებრონი თამაშობდა - 149:141.მატჩის ყველაზე შედეგიანი კალათბურთელი იყო კევინ დურანტი, რომელიც ვაშინგტონის რიგებში გამოდიოდა - მის ანგარიშზე 59 ქულა იყო. რაც შეეხება ჯეიმსს, ის 38 ქულით დაკმაყოფილდა.
ბალტიმორში ლებრონის გარდა კარმელო ენტონი, კრის პოლი, გერი ნილი და ჯოშ სელბი თამაშობდნენ. ვაშინგტონის ინტერესებს დურანტის გარ
* * *
"მინესოტა ტიმბერვულვზი" კვლავაც მწვრთნელის გარეშეა დარჩენილი. როგორც იცით, კლუბის ხელმძღვანელობასთან მოლაპარაკებებს აწარმოებდა ვეტერანი სპეციალისტი რიკ ადელმანი, მაგრამ "მგლებისგან" ვერ მიიღო ოფიციალური წინადადება.
ადელმანი მინეაპოლისში ორშაბათს საღამოს ჩავიდა. თავიდან ის "მინესოტას" გენერალურ მენეჯერს დევიდ კანს შეხვდა, სამშაბათს კი კლუბის მფლობელს გლენ ტეილორს, მაგრამ მოლაპარაკებებმა შედეგი არ გამოიღო.
* * *
22 წლის ქალის მკვლელობაში ეჭვმიტანილი ჯავარის კრიტენტონი ლოს ანჯელესში გამოძიების ფედერალური ბიუროს აგენტებმა დააკავეს. NBA-ის ყოფილი კალათბურთელი მაშინ აიყვანეს, როცა ის აეროპორტში რეგისტრაციას გადიოდა. კრიტენტონი ატლანტაში მიფრინავდა.
კალათბურთელს დაკავებისას წინააღმდეგობა არ გაუწევია, პირიქით, პოლიციასთან თანამშრომლობას დათანხმდა.
შეგახსენებთ, კრიტენტონმა ატლანტაში 22 წლის ჯულიან ჯონსი მოკლა. მოთამაშის თქმით, ეს იყო შურისძიება ამა წლის აპრილში განხორციელებული ყაჩაღური ძარცვის გამო.
კალათბურთელის თქმით, ის თავის ნაცნობთან ერთად საპარიკმახეროდან გამოდიოდა, როცა მას ორი შეიარაღებული მოზარდი მიუახლოვდა და ძვირფასეულობა მოსთხოვა. კრიტენტონმა 25 ათას დოლარად შეფასებული შავი ბრილიანტებით გაწყობილი სამაჯური და 30 ათასად შეფასებული ბრილიანტის საათი მისცა მათ.
სწორედ ამის შემდეგ გადაწყვიტა კალათბურთელმა შურისძიება.
ყოველდღიური სპორტული გაზეთი "ლელო"
