დეტროიტის გარეუბანში დააკავეს "დეტროიტ პისტონზის" ცენტრი ბენ უოლასი. როგორც პოლიციელებმა გაარკვიეს, ვეტერანი კალათბურთელი არაფხიზელ მდგომარეობაში იმყოფებოდა და მანქანაში უკანონოდ ინახავდა ცეცხლსასროლ იარაღს.ინციდენტი ორი დღის წინ მოხდა. პოლიციამ გზაზე "კადილაკი" შეამჩნია, რომელიც უცნაურ მანევრებს აკეთებდა. უოლასი ალკოჰოლური ზემოქმედების ქვეშ იყო, ჩხრეკის შედეგად აღმოჩენილი პისტოლეტი კი დატენილი არ ყოფილა.
NBA-ის 2004 წლის ჩემპიონი ხუთი ათასი დოლარის გადახდის შემდეგ თავდებში გაუშვეს. მისი საქმის განხილვა ორშაბათს გაიმართება.
* * *
ქალაქ კანზას-სიტის მერმა სლაი ჯეიმსმა და კომპანია AEG-ის (რომელსაც ეკუთვნის არენა "სპირიტ ცენტრი")
"საკმარისი დრო გვაქვს. ჩვენ არ ვაპირებთ დაუფიქრებლად ნებისმიერი გუნდის შეძენას, რადგან ასე შეიძლება პროექტი ჩაგვივარდეს. კარგი გუნდის ყიდვა გვინდა, თანაც ნორმალურ ფასად. ჩვენ შესანიშნავი არენა გვაქვს და მომწონს ამ საკითხთან დაკავშირებით ქალაქის მერის პოზიცია", - აცხადებს ლეივიკი.
ყოველდღიური სპორტული გაზეთი "ლელო"
