ეროვნული საკალათბურთო ასოციაციის კლუბების მფლობელები და მოთამაშეთა პროფკავშირები შაბათს განაახლებენ მოლაპარაკებებს და შეეცდებიან ლოკაუტის დასრულებას. მანამდე კი ამერიკულ პრესაში ერთი საინტერესო ინფორმაცია გავრცელდა.NBA-ის კალათბურთელები და მათი ადვოკატები აქტიურად განიხილავენ პროფკავშირისთვის ლიცენზიის ჩამორთმევის შესაძლებლობას.
ერთ-ერთი წყაროს ცნობით, ამ საქმეში დაახლოებით 50 მოთამაშეა ჩართული. ვარაუდობენ, რომ თუ შაბათის შეხვედრაზე არ შედგა შეთანხმება, რომლის მიხედვითაც მოთამაშეები ვერ მიიღებენ საერთო შემოსავლის მინიმუმ 52 პროცენტს, სწორედ ლიცენზიის ჩამორთმევა გახდება შემდეგი ნაბიჯი მფლობელებთან ბრძოლაში.
"აქ ლაპარაკი არ არის ფიშერისა და ჰანტერის მიმართ უნდობლობაზე. მოთამაშეებს სურთ
როგორც ირკვევა, ამ პროცესში ყველაზე მეტად "ბოსტონ სელტიქსის" ერთ-ერთი ლიდერი პოლ პირსი აქტიურობს. მას მხარში უდგანან დუენ უეიდი, რეი ალენი და დუაიტ ჰოვარდი.
ყოველდღიური სპორტული გაზეთი "ლელო"
