ეროვნული საკალათბურთო ასოციაციის მოთამაშეებმა ლიგის ხელმძღვანელობას კალიფორნიის ჩრდილოეთი ოლქის სასამართლოში უჩივლეს. ასეთი ინფორმაცია გავრცელდა გუშინ ამერიკულ პრესაში.კალიფორნიის სასამართლო იმით არის ცნობილი, რომ იქ საქმეებს საკმაოდ სწრაფად აგვარებენ. მოთამაშეებს ამ რთულ პროცესში ადვოკატი დევიდ ბოიესი დაეხმარება.
მისი თქმით, სარჩელის მიხედვით NBA-ის გუნდებს უნდა აეკრძალოთ ნებისმიერი საკალათბურთო ოპერაციების ჩატარება, ეს კი იმას ნიშნავს, რომ კალათბურთელებს უნდა ჩამოერთვათ მოღვაწეობის უფლება ძირითად სამუშაო ადგილებში, ანუ ასოციაციის კლუბებში. ამ შემთხვევაში, NBA არღვევს აშშ-ის ანტიმონოპოლიურ კანონმდებლობას.
* * *
ეროვნულ საკალათბურთო ასოციაციაში კლუბების მფლობელთა და
დაპირისპირებულ მხარეებს შორის ურთიერთობების გარკვევა იურიდიულ სიბრტყეში გადავიდა.
რა იქნება შემდეგ? ESPN-ის ვებგვერდზე გამოქვეყნდა მოვლენათა განვითარების სავარაუდო ვარიანტები.
პროფკავშირი დაიშლება
ამ სიტუაციაში 2011-12 წლების სეზონი საბოლოოდ დაიკარგება. მსგავსი სიტუაციის წარმოქმნის შემთხვევაში, ლიგა დაიმუქრა მოთამაშეებთან ყველა კონტრაქტის გაუქმებით და მათთვის თავისუფალი აგენტის სტატუსის მინიჭებით. თუმცა კლუბების მფლობელებს არ გააჩნიათ კონტრაქტების გაუქმების ნორმატულ-სამართლებლივი ბაზა.
საქმე გაჭიანურდება სასამართლოში
კლუბების ყველაზე უარესი წინასწარმეტყველება ახდა. მოთამაშეთა პროფკავშირის აღმასრულებელი დირექტორი ბილი ჰანტერი იმუქრება, რომ პროფკავშირის სტატუსის შეცვლის შემდეგ ლიგის წინააღმდეგ შეტანილი იქნება კოლექტიური სარჩელი ანტიმონოპოლიური კანონმდებლობის დარღვევაზე (კოლექტიური ხელშეკრულების გარეშე NBA ანტიმონოპოლიურ კანონმდებლობაში ხვდება).
სავარაუდოდ, მოსმენა იანვარში ან თებერვალში გაიმართება, თუმცა დარწმუნებით არ შეიძლება იმის თქმა, რომ საქმე არ გაიწელება.
მხარეები გაანაახლებენ მოოლაპარაკებებს
მოთამაშეებს ტყუილად არ აქვთ ამ ომში გამარჯვების სერიოზული იმედი, რადგან მათ დაეხმარებათ იურისტების ძლიერი გუნდი. მაგალითად, ჯეფრი კესლერი, რომელიც კალათბურთელების ინტერესებს წარმოადგენდა მოლაპარაკებებისას. მას აქვს ამგვარ საქმეებში მონაწილეობის გამოცდილება. კერძოდ, ის ცოტა ხნის წინ იცავდა ამერიკული ფეხბურთის ლიგის (NFL) მოთამაშეთა პროფკავშირს. კესლერი ანტიმონოპოლიური კანონმდებლობის სფეროში ერთ-ერთ საუკეთესო იურისტად მიიჩნევა მსოფლიოში, ერთ-ერთი ყველაზე გავლენიანი ადამიანია ბიზნესსა და სპორტში, ადრე არაერთხელ შევიდა NFL-ში 20 ყველაზე გავლენიანი ადამიანის სიაში.
მაგრამ, მთავარ ვარსკვლავად მაინც დევიდ ბოიესი მიიჩნევა, რომელიც ბევრ გახმაურებულ საქმეში იღებდა მონაწილეობას. საკმარისია ვახსენოთ საქმე - “ბუში გორის წინააღმდეგ”, რომელშიც ის აშშ-ის პრეზიდენტის 2000 წლის არჩევნების შემდეგ უზენაეს სასმართლოში ალბერტ გორის ინტერესებს იცავდა. ისიც წამყვანი სპეციალისტია ანტიმონოპოლიური უფლებების სფეროში. ბედის ირონიით, NFL-სა და ფეხბურთელთა პროფკავშირის დაპირისპირებაში ბოიესი ლიგის ინტერესებს იცავდა.
გაწელილი სასამართლო პროცესისა და ანტიმონოპოლიური კანონმდებლობის დარღვევისთვის მსხვილი ფულადი ჯარიმის დაკისრების პერსპექტივამ, შესაძლოა, აიძულოს NBA-ის ხელმძღვანელობა დაუბრუნდეს მოლაპარაკებათა პროცესს ახალი კოლექტიური ხელშეკრულების მისაღებად. მაგრამ ამისთვის საჭირო იქნება პროფკავშირების სტატუსის შეცვლა.
* * *
ამასობაში, ექსპერტები NBA-ში სეზონის გაუქმების შემთხვევაში იმ ქალაქების მოსალოდნელ ზარალს ითვლიან, რომელშიც ლიგის გუნდები არიან დაბანაკებულნი. მაგალითად, ამერიკელი ეკონომისტების გამოთვლით, მაიამი უკალათბურთოდ 200 მილიონ დოლარს დაკარგავს.
ამერიკის შეერთებული შტატების სხვა ქალაქებიც იგრძობენ ლოკაუტით გამოწვეულ ნეგატიურ გავლენას.
კერძოდ, კლივლენდში რესტორნები დაკარგავენ მოგების 35 პროცენტს. ოკლაჰომას ბიუჯეტს 60 მილიონი დააკლდება. სან ანტონიოსა და პორტლენდის დანაკლისი შესაბამისად, 90 და 59 მილიონი იქნება.
ყოველდღიური სპორტული გაზეთი "ლელო"
