რა თქმა უნდა, უხვად ვრცელდება ინფორმაციები მოსალოდნელ ტრანსფერებზე. გასული ფინალური სერიის საუკეთესო მოთამაშემ, "დალას მავერიქსის" ლიდერმა დირკ ნოვიცკიმ დაასრულა შვებულება და სერიოზულად განიხილავს კარიერის გაგრძელების ვარიანტებს. "რამდენიმე კვირა მჭირდება სათამაშო ფორმის აღსადგენად. ჩემთვის არ შეიძლება სათამაშო პრაქტიკის გარეშე დარჩენა", - ამბობს გერმანელი ვარსკვლავი.
ნოვიცკისთვის ერთ-ერთ ევროპულ ვარიანტად მადრიდის "რეალს" ასახელებენ.
"ეს არის დიდი კლუბი მდიდარი ტრადიციებით. არ ვიცი, მართალია თუ არა რასაც ამბობენ, მაგრამ თუ პრესის ინფორმაცია სიმ
ასევე იტყობინებიან, რომ დირკმა შეიცვალა შეხედულება გერმანიაში კარიერის გაგრძელებაზე. ადრე დალასელი ამბობდა, რომ არ სურს სამშობლოში არც ერთი კლუბის განაწყენება, ამიტომაც სხვა ქვეყანაში ურჩევნია კარიერის გაგრძელება, მაგრამ ახლა ვრცელდება ინფორმაცია იმის შესახებ, რომ ნოვიცკიმ, შესაძლოა, ევროლიგაში მოთამაშე "ბამბერგთან" გააფორმოს ერთწლიანი კონტრაქტი.
* * *
სერიოზული მიზნები აქვს თურქეთის "ბეშიქთაშს". ეს კლუბი არ კმაყოფილდება იმით, რომ მის რიგებში თამაშობს NBA-ის ერთ-ერთი საუკეთესო გამათამაშებელი დერონ უილიამსი და ახლა, სხვა ვარსკვლავებს უმიზნებს.
ერთ-ერთია "ჩიკაგოსა" და ბრიტანეთის ნაკრების 26 წლის ფორვარდი ლუოლ დენგი. მოთამაშის დაზღვევა დაახლოებით 50 ათასი დოლარი ეღირება, სავარაუდო ხელფასი კი თვეში 150 ათასი დოლარი იქნება.
ასევე ცნობილი გახდა, რომ "ბეშიქთაში" მოლაპარაკებებს აწარმოებს NBA-ის გასული სეზონის საუკეთესო მომხსნელთან, "მინესოტას" მძიმე ფორვარდ კევინ ლავთან.
* * *
ახალგაზრდა თურქმა ცენტრმა ენეს კანტერმა ლოკაუტის პერიოდში, შესაძლოა, საბერძნეთის "ოლიმპიაკოსში" ითამაშოს. შეგახსენებთ, 19 წლის კალათბურთელი წლევანდელ დრაფტზე მესამე ნომრად აირჩია "იუტა ჯაზმა".
"ოლიმპიაკოსს" პრობლემები აქვს მაღალ კალათბურთელებთან დაკავშირებით: მეტ ჰოვარდმა ტრავმა მიიღო, ლაზაროს პაპადოპულსი კი ყოველთვის ვერ არმევს თავს მწვრთნელის დავალებას.
კანტერმა კარგად წარმოაჩინა თავი წლევანდელ ევრობასკეტზე. ის თურქეთის ნაკრებში საშუალოდ 9,6 ქულასა და 3,6 მოხსნას აგროვებდა.
* * *
ცნობილი გახდა ერთი განხორციელებული ტრანსფერის შესახებ. ესპანეთის "კახა ლაბორალმა" კონტრაქტი გააფორმა გამთამაშებელ გორან დრაგიჩთან. ხელშეკრულება ერთწლიანია.
გასულ სეზონში 25 წლის სლოვენიელი "ჰიუსტონ როკეტსში" თამაშობდა და საშუალოდ მატჩში 6.8 ქულასა და 2.7 შედეგიან გადაცემას აგროვებდა.
ყოველდღიური სპორტული გაზეთი "ლელო"
