ლოკაუტის დასრულების შემდეგ ამერიკული პრესა სავსეა სატრანსფერო ინფორმაციებითა და ჭორებით."ბოსტონ სელტიქსი" თავისი ძირითადი გამთამაშებლის - რაჟონ რონდოს გაცვლის ვარიანტს განიხილავს. კლუბის ხელმძღვანელობის აზრით, "სელტიქსის" ლიდერს პოლ პირსს უფრო შედეგიანი პლეიმეიკერი სჭირდება.
გასულ სეზონში რონდომ 68 მატჩში მიიღო მონაწილეობა და საშუალოდ 10.6 ქულა და 11.2 შედეგიანი პასი დააგროვა.
* * *
როგორც "იუტა ჯაზთან" დაახლოებული წყარო წერს, ამ კლუბის შეფობა უკანა ხაზის გაძლიერებას გეგმავს და ამ მიზნით ორი კალათბურთელის - ელ ჯეფერსონისა და პოლ მილსეპის გაცვლას აპირებს. ჯერჯერობით უცნობია, რომელი
რაც შეეხება "ჯაზმენთა" "მაღლებს", არსებული ინფორმაციის თანახმად, გუნდში აქცენტს ბოლო დრაფტზე არჩეულ კალათბურთელებზე - დერიკ ფეივორსსა და თურქ ენეს კანტერზე გააკეთებენ.
* * *
თუ "პორტლენდ თრეილ ბლეიზერსი" გადაწყვეტს მცველ ბრენდონ როისთან გამოთხოვებას, მაშინ ამ კალათბურთელთან კონტრაქტი შეიძლება გააფორმოს "გოლდენ სტეიტ უორიორზმა".
როის ყოფილი აგენტი ბობ მაიერსი ამჟამად "უორიორზის" მთავარი მწვრთნელის მარკ ჯექსონის ასისტენტად მუშაობს და მან შეიძლება გავლენა იქონიოს კალათბურთელის საბოლოო გადაწყვეტილებაზე.
გასულ სეზონში როიმ "ბლეიზერსის" რიგებში 47 მატჩი ჩაატარა და საშუალოდ 12.2 ქულა დააგროვა.
* * *
NBA-ის ერთ-ერთმა საუკეთესო გამთამაშებელმა კრის პოლმა 2012 წლიდან "ნიუ იორკ ნიქსში" თამაშის სურვილი გამოთქვა. შეგახსენებთ, რომ მომავალი წლის ზაფხულში "ნიუ ორლეან ჰორნეტსის" ლიდერი თავისუფალი აგენტის სტატუსს მიიღებს.
"ნიუ იორკის" გარდა, პოლით დაინტერესებას გამოხატავს "ლოს ანჯელეს კლიპერსი", თუმცა კალიფორნიული კლუბის მთავარი პრიორიტეტი ლიგის საუკეთესო ცენტრის, "ორლანდო მეჯიქის" ლიდერის დუაიტ ჰოვარდის გაფორმებაა.
ყოველდღიური სპორტული გაზეთი "ლელო"
