ეროვნულ საკალათბურთო ასოციაციაში თავისუფალი აგენტების ბაზარი გაიხსნა და უკვე განხორციელდა რამდენიმე საინტერესო ტრეიდი.სამგუნდიანი გაცვლა შედგა "ნიუ იორკს", "დალასსა" და "ვაშინგტონს" შორის. ამ გარიგების თანახმად, ტაისონ ჩენდლერი "ნიქსის" რიგებში" ჩაირიცხა, "ვაშინგტონში" გადავიდა ფრანგი რონი ტურიაფი, ხოლო "დალასმა" მიიღო მცველი ენდი რაუტინსი და დრაფტის მეორე რაუნდში რამდენიმე მოთამაშის არჩევის უფლება.
ამასთან, "ნიუ იორკი" ჩონსი ბილაპსს გამოეთხოვა და შესაბამისად, ვეტერანი გამთამაშებელი თავისუფალი აგენტების ბაზარზე გავიდა.
რა თქმა უნდა, ამ გარიგებაში მთავარი მოქმედი პირი ჩენდლერი იყო, რომელიც ოთხი წელი ითამაშებს "ნიქსის" რიგებში და
ვინსი და ოდომი დალასში
რამდენიმე წყაროს მიერ გავრცელებული დაუდასტურებელი ინფორმაციის თანახმად, NBA-ის ჩემპიონმა "დალას მავერიქსმა" ტრეიდი განახორციელა "ლოს ანჯელეს ლეიკერსთან". მისი მიხედვით, "კოვბოების" რიგებში 32 წლის ფორვარდი ლამარ ოდომი გადავიდა, თავის მხრივ, "ლეიკერსი" 2012 წლის დრაფტის პირველ რაუნდში მოთამაშის არჩევის უფლებით დაკმაყოფილდა.
ექსპერტები ამტკიცებენ, რომ კალიფორნიულმა კლუბმა ხელი აიღო კრის პოლის გადაბირებაზე და ახლა "ორლანდოს" ცენტრ დუიატ ჰოვარდს უმიზნებს. ოდომის გაშვებაც ამით არის განპირობებული - "ლეიკერსს" სურს სახელფასო ბიუჯეტში გამოანთავისუფლოს თანხა "სუპერმენის" გასაფორმებლად.
როგორც ESPN ირწმუნება, "დალასი" ძალიან ახლოსაა ვეტერან ვინს კარტერთან მრავალწლიანი კონტრაქტის გაფორმებასთან.
ორი დღის წინ, "ფინიქსმა" "ყველა ვარსკვლავის მატჩის" რვაგზის მონაწილეს კუთვნილი 18 მილიონიდან 4 მილიონი გადაუხადა და გუნდიდან დაითხოვა.
შარშან, 34 წლის კალათბურთელის საშუალო შედეგიანობა 13.5 ქულას შეადგენდა.
გარდა ამისა, "დალასმა" შემადგენლობა შეავსო ფორვარდ ბრენდან რაიტით, რომელმაც შარშანდელი სეზონი "ნიუ ჯერსიში" დაასრულა და ამ გუნდში საშუალოდ 5.4 ქულასა და 3.0 მოხსნას აგროვებდა.
ბოსტონი აქტიურობს
სატრანსფერო ბაზრის პირველ ორ დღეს იაქტიურა "ბოსტონ სელტიქსმა". მისი მთავარი შენაძენი გახდა თავისუფალი აგენტი დევიდ უესტი.
31 წლის ფორვარდი "ნიუ ორლეანმა" 2003 წლის დრაფტზე 21-ე ნომრად აირჩია.
გასულ სეზონში უეტსმა "ჰორნეტსის" შემადგენლობაში საშუალოდ 18.9 ქულა და 7.6 ქულა მიითვალა.
გარდა ამისა, "სელტიქსი" დათანხმდა გაცვლას "ორლანდოსთან". კერძოდ, "ბოსტონმა" მოიშორა მძიმე ფორვარდი გლენ დევისი, ხოლო მის სანაცვლოდ ამავე ამპლუის ბრენდონ ბასი დაიმატა. ექსპერტთა შეფასებით, "სელტიქსმა" უკეთესი კალათბურთელი მიიღო, ვიდრე ჰყავდა, თანაც ბასისთვის უფრო ნაკლების გახადა მოუწევს, ვიდრე დევისს უხდიდა.
ისე კი ამ კალათბურთელების შარშანდელი სტატისტიკა თითქმის თანაბარია: დევისს 11.7 ქულა და 5.5 მოხსნა ჰქონდა, ბასს - 11.2 ქულა და 5.6 მოხსნა.
"ბოსტონმა" კიდევ ორი კალათბურთელი გაიფორმა. ამ გუნდში ჩაირიცხა 29 წლის ცენტრი კრის უილკოქსი, რომელმაც ვეტერანის მინიმალური კონტრაქტი მიიღო. შარშან, ამ კალათბურთელმა "დეტროიტში" 7.4 ქულა და 4.8 მოხსნა დააგროვა.
აგრეთვე "სელტიქსმა" ერთი წლით გაიფორმა 25 წლის ჯეფ გრინი. ეს კალათბურთელი შარშანდელი სეზონის მსვლელობისას გადავიდა "ოკლაჰომადან" "ბოსტონში" და ახალ კლუბს საშუალო 5.9 ქულით დაეხმარა. მისი ახალი კონტრაქტის ღირებულება 5.9 მილიონს შეადგენს.
ყოველდღიური სპორტული გაზეთი "ლელო"
