ლეგენდარულმა ამერიკელმა კალათბურთელმა მაიკლ ჯორდანმა მეორედ გადაწყვიტა დაქორწინება. "ჩიკაგო ბულზის" ყოფილმა მოთამაშემ და "შარლოტ ბობკეტსის" მფლობელმა თავის მეგობარ გოგონასთან - ივეტ პრიეტოსთან ნიშნობის შესახებ გამოაცხადა - იტყობინება NBC Sports.ჯორდანისთვის ეს მეორე ქორწინებაა. მაიკლის პირველი მეუღლე იყო ხუანიტა ჯორდანი, რომელთანაც კალათბურთელმა 17 წელი იცხოვრა. ისინი ერმანეთს 2006 წელს გაეყარნენ. მაიკლსა და ხუანიტას სამი შვილი ჰყავს: ორი ვაჟი და ერთი ქალიშვილი. უნდა აღინიშნოს, რომ განქორწინების შემდეგ ხუანიტამ 168 მილიონი დოლარი მიიღო, რაც მაშინ ასეთი შემთხვევებისთვის სარეკორდო მაჩვენებელი იყო.
* * *
შეგახსენებთ, რომ ადრე "მაიამი ჰიტის" ლიდერმა ლებრონ ჯეიმსმა ინგლისური "ლივერპულის" აქციათა მცირე პაკეტი შეიძინა.
ყოველდღიური სპორტული გაზეთი "ლელო"
