სერიოზულ სკანდალში გაეხვა "ჰიუსტონ როკეტსის" მცველი კაილ ლოური. კალათბურთელს ქალი მსაჯის ცემისთვის ბრალდება წაუყენეს.ინციდენტი სექტემბერში, ლას ვეგასში ჩატარებული საქველმოქმედო მატჩის დროს მოხდა. შეხვედრის ბოლოს ლოურიმ ინფინი რობინსონს მკერდში ესროლა ბურთი, შემდეგ კი არბიტრი უშვერი სიტყვებით გალანძღა და ცემით დაემუქრა. სკანდალი იმით დასრულდა, რომ ჰიუსტონელი მსაჯებისთვის განკუთვნილ ზონაში შევარდა და კიდევ ერთხელ ძლიერად ესროლა ბურთი რობინსონს.
მოწმის ჩვენება დაადასტურა რობინსონის კოლეგამ. მანვე ისიც აღნიშნა, რომ მოგვიანებით ლოურიმ ბოდიში მოუხადა მსაჯს.
ბრალის დამტკიცების შემთხვევაში, "ჰიუსტონის" მცველს ნახევარი წლით თავისუფლების აღკვეთა ემუქრება.
