"მაიამი ჰიტი" მსუბუქი ფორვარდი ლებრონ ჯეიმსი და "ლოს ანჯელეს ლეიკერსის" მცველი კობი ბრაიანტი გასულის კვირის საუკეთესო მოთამაშეებად დაასახელეს.აღმოსავლეთ კონფერენციის ლაურეატი ჯეიმსი თავის გუნდს ოთხიდან სამი მატჩის მოგებაში დაეხმარა. სამივე მოგებულ შეხვედრაში ლებრონი საუკეთესო ბომბარდირი იყო, ჯამში კი მის ანგარიშზე 31.0 ქულა (თამაშიდან ტყორცნების სიზუსტე - 60.7 პროცენტი), 9.3 პასი, 7.3 მოხსნა და 1.33 ჩაჭრა იყო.
ასევე სამი მოგება და ერთი წაგება ჰქონდა გასულ კვირას "ლეიკერსს". მისმა ლიდერმა კობი ბრაიანტმა ამ შეხვედრებში 33.0 ქულა (ლიგის ლიდერი) და 6.3 შედეგიანი პასი
ჯეიმსის კვირა
2 იანვარი. მაიამი-ატლანტა 92:100. 28 ქულა, 7 მოხსნა, 6 პასი.
4 იანვარი. მაიამი-ინდიანა 118:83. 33 ქულა, 8 მოხსნა, 13 პასი, 2 ჩაჭრა.
7 იანვარი. ნიუ ჯერსი-მაიამი 90:101. 32 ქულა, 7 მოხსნა, 9 პასი, 2 ჩაჭრა.
ბრაიანტის კვირა
3 იანვარი. ლეიკერსი-ჰიუსტონი 108:99. 37 ქულა, 8 მოხსნა, 6 პასი.
6 იანვარი. ლეიკერსი-გოლდენ სტეიტი 97:90. 39 ქულა, 7 პასი.
8 იანვარი. ლეიკერსი-მემფისი 90:82. 26 ქულა, 9 პასი.
კვირის მოთამაშის სტატუსზე შემდეგი კალათბურთელები აცხადებდნენ პრეტენზიას: კარლოს ბუზერი ("ჩიკაგო"), როი ჰიბერტი ("ინდიანა"), ბლეიკ გრიფინი ("კლიპერსი"), კრის ბოში ("მაიამი"), კევინ ლავი ("მინესოტა"), კევინ დურანტი ("ოკლაჰომა"), დრიუ ჰოლიდეი ("ფილადელფია"), ლამარკუს ოლდრიჯი ("პორტლენდი"), ჯეისონ რიჩარდსონი ("ორლანდო") და სტივ ნეში ("ფინიქსი").
