პირველად NBA-ის ისტორიაში, მინიმუმ 12 წაგების მქონე გუნდმა დაამარცხა მინიმუმ 12 გამარჯვების მქონე გუნდი. იგულისხმება ის შემთხვევა, როცა კლუბებს მაქსიმუმ 15 შეხვედრა ჰქონდათ ჩატარებული.ეს შემთხვევა დაფიქსირდა "ოკლაჰომასა" (12 მოგება-3 წაგება) და "ვაშინგტონის" (2-12) შეხვედრაში. მატჩის წინ "უიზარდსის" მოგებათა კოეფიციენტი 7.7-ს შეადგენდა, "ოკლაჰომასი" - 85.7-ს.
სტივ ნეში
"ფინიქსის" გამთამაშებელმა სტივ ნეშმა 26 ქულა და 11 პასი დააგროვა "ნიუ იორკთან" მოგებულ შეხვედრაში.
როგორც ირკვევა, ნეში (37 წლის და 345 დღის) NBA-ის ისტორიაში ყველაზე ხან
რიკი რუბიო
"მინესოტას" ესპანელმა ვუნდერკინდმა რიკი რუბიომ "დეტროიტთან" მოგებულ მატჩში 9 ქულა, 8 პასი, 7 მოხსნა და 6 ჩაჭრა დააგროვა.
რით არის ეს შედეგი გამორჩეული? აღმოჩნდა, რომ რუბიო გახლავთ პირველი მოთამაშე NBA-ის ისტორიაში, ვინც ისე დააგროვა მინიმუმ 9 ქულა, 8 პასი, 7 მოხსნა და 6 ჩაჭრა, რომ ვერც ერთ კატეგორიაში ვერ მიაღწია ათიანის ნიშნულს.
ბოლო მოთამაშე, რომელმაც ამ ოთხ კატეგორიაში მინიმუმ ექვსი, მაგრამ ათზე ნაკლები ერთეული დააგროვა, ადრიან გრიფინი იყო. მან "დალასის" მაისურით 9 ქულა, 7 მოხსნა, 7 ჩაჭრა და 6 პასი მიითვალა 2002 წლის იანვარში "ატლანტასთან" მატჩში.
"სან ანტონიო სპურსის" მოთამაშეს ჯონი მურს 1985 წლის მარტში 9 ქულა, 8 ჩაჭრა, 7 პასი და 6 მოხსნა ჰქონდა "სიეტლთან" შეხვედრაში.
გოლდენ სტეიტი
"გოლდენ სტეიტმა" "ნიუ ჯერსის" წინააღმდეგ თამაშიდან 51.4 პროცენტის სიზუსტით ისროლა, სამქულიანების 50 პროცენტი გამოიყენა და მხოლოდ 10 შეცდომა დაუშვა და მაინც დამარცხდა "ნეტსთან" - 100:107.
ეს არის პირველი შემთხვევა სეზონში, როცა გუნდი თამაშიდან და შვიდმეტრიანი ხაზიდან მინიმუმ 50 პროცენტის სიზუსტით ისვრის და ათზე მეტ შეცდომას არ აგროვებს, მაგრამ მაინც მარცხდება.
ბოლო გუნდი, რომელმაც ასეთი მონაცემებით შეხვედრა წააგო, "კლივლენდი" იყო 2011 წლის თებერვალში "ჰიუსტონის" წინააღმდეგ მატჩში.
ყოველდღიური სპორტული გაზეთი "ლელო"
