ეროვნულ საკალათბურთო ასოციაციაში გასული სათამაშო დღის მთავარი მოვლენა კევინ გარნეტის სტატისტიკური მიღწევა იყო: "ბოსტონის" ფორვარდმა მოხსნების რაოდენობით შაკილ ო'ნილი ჩამოიტოვა უკან და ლიგის ისტორიაში ამ მაჩვენებლით მე-12 ადგილზე გადაინაცვლა. თანაც ეს შაკის დაბადების დღეზე გააკეთა. "ბოსტონი" საკუთარ მოედანზე ეთამაშებოდა "ჰიუსტონს" და მხოლოდ ოვერტაიმში შეძლო მისი დამარცხება. ეს "სელტიქსის" დიდი ტრიოს დამსახურება იყო - პირსმა, ალენმა და გარნეტმა ერთად 64 ქულა დააგროვეს.
"ბოსტონმა" ზედიზედ მეექვსე შეხვედრა მოიგო და სულ მცირედით ჩამორჩება დივიზიონის ლიდერ "ფილადელფიას". "ჰიუსტონს" კი "მინესოტა" წამოეწია.
* * *
ბრაიანტმა მაინც გამოიჩინა თავი, როცა სირენასთან ერთად ჩააგდო და შეხვედრა ოვერტაიმში გადაიყვანა, თუმცა იქ კალიფორნიელებს დიდად არ გამოუჩენიათ თავი.
* * *
ტაისონ ჩენდლერი დალასში დაბრუნდა და როგორც იქნა, საჩემპიონო ბეჭედი ჩაიბარა. ამის შემდეგ ნიუიორკელთა ცენტრი ჩრდილში მოექცა და მხოლოდ 6 ქულითა და 8 მოხსნით დაასრულა მატჩი. იგივე სტატისტიკა ჰქონდა კარმელო ენტონის, რომელმაც თამაშიდან მხოლოდ ორჯერ ჩააგდო (12 ცდიდან).
მიუხედავად ამისა, სტაუდმაიერის მონდომებით "ნიქსი" ხუთი წუთით ადრე იგებდა კიდეც - 78:77, მაგრამ მასპინძლებმა სწრაფად მოუსპეს მეტოქეს ბრძოლის სურვილი - ნოვიცკის ცხრა და კიდის ხუთი ქულით "დალასი" 14:0 გაიქცა. ორ წუთზე ნაკლებ დროში 13 ქულის გაბათილება შეუძლებელი ჩანდა.
* * *
სანამ კრის ბოში ბებიის დაკრძალვაზე იყო წასული, "მაიამიმ" ზედიზედ ორი მატჩის წაგება მოასწრო - ასეთი რამ ბოლო სამი თვეა არ მომხდარა.
ამ მინი-კრიზისის დასაძლევად "ჰიტს" იოლი მეტოქე შეხვდა "ნიუ ჯერსის" სახით. ფლორიდელებმა არ შეიმჩნიეს მეტოქე და უკვე მეორე მეოთხედის სტარტზე სხვაობა 20 ქულას შეადგენდა, ხოლო მეორე ტაიმის დასაწყისში, მარიო ჩელმერსის სამქულიანის შემდეგ, სტუმრებისთვის ანგარიში უბრალოდ სამარცხვინო გახდა - 37:67.
"ფლორიდელებმა 40-ქულიან უპირატესობასაც მიაღწიეს, მაგრამ ამას უკვე აღარ ჰქონდა პრინციპული მნიშვნელობა. "მაიამის" კარგ განწყობაზე არ უმოქმედია დუეინ უეიდის ტრავმას. "ფლეშმა" ფეხი გადაიბრუნა, მაგრამ მატჩის შემდეგ ჟურნალისტები დაარწმუნა, რომ სერიოზული არაფერია და "ატლანტასთან" შემდეგი მატჩისთვის მწყობრში იქნება.
ინდიანა-ატლანტა 96:101
22:29, 32:29, 17:18, 25:25
ი: უესტი (24), გრეინჯერი (19+8 მოხსნა), ჰილი (15+6 მოხსნა), ჰიბერტი (13+8 მოხსნა), ჯორჯი (11+6 მოხსნა).
ა: სმიტი (27+9 მოხსნა), პარგო (16), უილიამსი (12+6 მოხსნა), ფაჩულია (12+10 მოხსნა).
ბოსტონი-ჰიუსტონი 97:92 (ო)
21:28, 25:12, 17:28, 21:16, 13:8
ბ: პირსი (30+6 მოხსნა), ალენი (21), გარნეტი (13+13 მოხსნა), რონდო (9+12 პასი+3 ჩაჭრა).
ჰ: სკოლა (18+14 მოხსნა), ლოური (18+7 მოხსნა+7 პასი), პარსონსი (12), დალემბერი (11+17 მოხსნა), მარტინი (11), დრაგიჩი (11+3 ჩაჭრა).
მაიამი-ნიუ ჯერსი 108:78
30:17, 34:20, 24:19, 20:22
მ: ჯეიმსი (21+9 მოხსნა+6 პასი), ბოში (20), უეიდი (13), კოული (13), ბატიე (11), პიტმანი (10+6 მოხსნა).
ნ-ჯ: დ. უილიამსი (16), ბრუქსი (12), პეტრო (11+8 მოხსნა).
შარლოტი-ორლანდო 100:84
15:25, 28:23, 29:23, 28:13
შ: მაგეტი (29+7 მოხსნა), ჰენდერსონი (16), ბიიომბო (10+15 მოხსნა+7 დაფარება), უოკერი (10+8 პასი).
ო: ჰოვარდი (15+17 მოხსნა), ანდერსონი (14+11 მოხსნა), რედიკი (14).
დეტროიტი-ლეიკერსი 88:85 (ო)
17:24, 28:17, 9:20, 24:17, 10:7
დ: სტაკი (34), გორდონი (15+5 მოხსნა+5 პასი), ჟერებკო (10+5 მოხსნა), მაქსიელი (10+10 მოხსნა), პრინსი (10), მონრო (2+15 მოხსნა).
ლ: ბინუმი (30+14 მოხსნა+3 დაფარება), ბრაიანტი (22+5 მოხსნა+7 პასი), გასოლი (20+10 არლქრპთ+6 პასი+5 დაფარება).
დალასი-ნიუ იორკი 95:85
27:15, 23:29, 27:19, 18:22
დ: ნოვიცკი (28), ბობუა (18), კიდი (15+6 მოხსნა).
ნ-ი: სტაუდმაიერი (26+7 მოხსნა), ლინი (14+7 პასი), ნოვაკი (13), ფილდსი (4+10 მოხსნა).
ყოველდღიური სპორტული გაზეთი "ლელო"
