"ჰიუსტონ როკეტსის" ახალბედა დერეკ ფიშერი მოელაპარაკა კლუბს კონტრაქტის გამოსყიდვაზე, - წერს ამერიკული პრესა. ასე რომ, 37 წლის ვეტერანი თავისუფალი აგენტის სტატუსს მიიღებს. შეგახსენებთ, რომ "ლეიკერსმა" ცოტა ხნის წინ ტრეიდის მეშვეობით გაუშვა "ჰიუსტონში" ფიშერი და სანაცვლოდ ფორვარდი ჯორდან ჰილი მიიღო.ახალი კოლექტიური ხელშეკრულების თანახმად, ფიშერი ვერ შეძლებს მიმდინარე სეზონში "ლეიკერსში" დაბრუნებას.
კალათბურთელის მენეჯერი ჯეიმი უიორი ჟურნალისტებს მოუყვა იმ მიზეზების შესახებ, რომლების გამოც მისმა კლიენტმა სთხოვა "ჰიუსტონის" ხელმძღვანელობას მისი კონტრაქტის გამოსყიდვა.
"მადლობას ვუხდით "ჰიუსტონის" შეფობას იმის გამო, რომ გაგებით მოეკიდნენ ჩვენს თხოვნას.
მოგვიანებით გაჩნდა ცნობა იმის შესახებ, რომ NBA-ს ხუთგზის ჩემპიონის ხელში ჩაგდება სურთ "ოკლაჰომას", "ჩიკაგოსა" და "მაიამის".
"თანდერს" სჭირდება სარეზერვო პლეიმეიკერი, რადგან რასელ უესტბრუკის შემცვლელი ერიკ მეინორი ტრავმირებულია და ამ სეზონში ვეღარ ითამაშებს.
ასევე წერენ, რომ "კლიპერსი" და "სან ანტონიო" არიან დაინტერესებულნი "ლეიკერსის" ყოფილი მოთამაშის გაფორმებით.
ყოველდღიური სპორტული გაზეთი "ლელო"
