"ჩიკაგოს" გულშემატკივართა მხრიდან დიდი მოლოდინის მიუხედავად, დერიკ როუზი ჯერ ვერ დაუბრუნდა მოედანს, ამიტომაც "ხარებს" "ბოსტონის" დამარცხება შარშანდელი MVP-ის გარეშე მოუწიათ.საინტერესოდ გამოიყურებოდა "ბოსტონის" სასტარტო შემადგენლობა. ასოციაცის ისტორიაში ყველა დროის ერთ-ერთმა უდიადესმა სნაიპერმა რეი ალენმა ხუთეულში ადგილი დაუთმო სწრაფად პროგრესირებად ბრედლის. რეი თავის ხანგრძლივ კარიერაში მხოლოდ მეხუთედ ვერ მოხვდა სასტარტო შემადგენლობაში.
დოკ რივერსის სვლამ გაამართლა, რადგან მეორეწლიანმა ბრედლიმ დიდი მოცულობის სამუშაო ჩაატარა.
"ბოსტონმა" დიდ შესვენების წინ 16:5 გაქცევა განახორციელა - შეცვლაზე შემოსულმა ბასმა ზედიზედ სამ შეტევაში 7 ქულა დააგროვა, პირსმა
ურთულესი
როგორც ჩანს, ჩიკაგოელებმა შესვენებაზე საჭირო დარიგებები მიიღეს მწვრთნელისგან. მასპინძლებმა, პირველ რიგში, ტემპს მოუმატეს, ჰემილტონმა და ბუზერმა გამთამაშებლებზე არანაკლებ ეფექტურად დაიწყეს პასების დარიგება, ნოა კი შეტევაში გააქტიურდა და ზედიზედ გარბოდა კონტრშეტევებში. ასე რომ, მალე "ბულზმა" თანაფარდობა აღადგინა.
ხოლო, როცა საქმეს სერიოზულად მოჰკიდა ხელი დენგმა (ბრიტანელმა თავისი 26 ქულიდან 18 მეორე ტაიმში დააგროვა), მასპინძლებმა ნელა, მაგრამ მეთოდურად დაიწყეს უპირატესობის გაზრდა. "ბოსტონმა" ამას ვერაფერი დაუპირისპირა - "კელტებს" დაღლა დაეტყოთ.
ყველაფერი საბოლოოდ ცხადი გახდა საფინალო სირენამდე 1.42 წუთით ადრე, როცა დენგის პასით დანკი შეასრულა ბუზერმა. მანამდე იმავე დენგმა ზედიზედ ოთხი შეტევა ზუსტი ტყორცნით დაასრულა. ამ მომენტისთვის სხვაობამ 10 ქულას მიაღწია და პირსისა და გარნეტის უზუსტობების ფონზე (ამ დუეტმა 37-დან 24 ტყორცნა ააცილა), "სელტიქსის" გადარჩენა წარმოუდგენელი ჩანდა. მაგრამ სასწაულის შანსი მაინც იყო, რადგან დარჩენილ დროში "ჩიკაგოს" თამაშიდან ბურთი არ ჩაუგდია, რონდომ კი "მინუს 5"-ზე სირენამდე 9 წამით ადრე სამქულიანი ააცილა. ამით ყველაფერი დასრულდა. "ბულზმა" ორმატჩიანი წაგებათა სერია შეწყვიტა.
ჩიკაგო-ბოსტონი 93:86
18:22, 20:27, 29:17, 26:20
ჩ: დენგი (26+6 მოხსნა+4 ჩაჭრა), ნოა (17+9 მოხსნა), უოტსონი (15+8 პასი), ბუზერი (12+14 მოხსნა).
ბ: პირსი (22+8 მოხსნა), ბასი (15+5 მოხსნა+3 ჩაჭრა), ალენი (14), გარნეტი (12+14 მოხსნა), რონდო (10+12 პასი).
ყოველდღიური სპორტული გაზეთი "ლელო"
