"სან ანტონიოს" მოგებათა სერია 11 მატჩამდე ავიდა. ამბიციური და მოტივირებული "იუტას" წინააღმდეგ გრეგ პოპოვიჩის შეგირდები ერთხელაც არ დამდგარან მარცხის საშიშროების წინაშე. "ჯაზმენები" მთელი 48 წუთის განმავლობაში არც ერთხელ არ გასულან წინ, მასპინძლებმა კი პირველივე ტაიმში მიაღწიეს ორნიშნა უპირატესობას.
გრინისა და ჯინობილის დუეტმა ერთად 37 ქულა დააგროვა, საბოლოო სხვაობამ კი 10 ქულა შეადგინა. საინტერესოა, რომ მასპინძლებმა 10 საჯარიმოს გაფუჭება მოახერხეს, მაგრამ "იუტამ" ეს შანსი ვერ გამოიყენა.
"მაიამიმ" კვლავ დუეინ უეიდის გ
"ჰიტმა" ყველა კომპონენტში დაჯაბნა მეტოქე, მით უმეტეს, რომ "დეტროიტი" თამაშიდან 37.3 პროცენტის სიზუსტით უტევდა და 19-იდან სამი სამქულიანი გამოიყენა.
სეზონში სარეკორდო სამმატჩიანმა წაგებათა სერიამ ძალიან გააბრაზა "ოკლაჰომა-სიტი", რომელმაც ჯავრი "ტორონტოზე" იყარა. თუ ორმეოთხედნახევარი ასე თუ ისე სერიოზული ბრძოლა მიდიოდა, მესამე მეოთხედის ბოლოსა და მეოთხეს პირველ ნახევარში "თანდერს" მომაკვდინებელი გაქცევა გამოუვიდა - 24:0 (!), რომელმაც კანადელებს ბრძოლის ყოველგვარი სურვილი გაუქრო.
ატლანტიკის დივიზიონის ლიდერობისთვის ბრძოლას თანდათან ინტრიგა ეკარგება. ბოლო დროს "ბოსტონი" სოლიდურად გამოიყურება, იმ დროს, როცა "სიქსერზმა" გაირთულა საქმე პლეი ოფის საგზურისთვის ბრძოლაში. გუშინ ურთიერთდაპირისპირებაში გამოჩნდა, რამდენად განსხვავებულია ამ გუნდების კლასი. რეალურად, სტუმრები მხოლოდ ერთი მეოთხედი უწევდნენ წინააღმდეგობას რივერსის გუნდს, რის შემდეგაც 2:18 გაქცევა გამოეპარათ.
ხოლო, როცა მესამე მეოთხედის დებიუტში კიდევ ერთი სპურტი განხორციელდა (11:0), შეხვედრას საბოლოოდ დაეკარგა ინტერესი - "ბოსტონის" უპირატესობა 22 ქულამდე ავიდა.
ინტრიგა მხოლოდ ერთში მდგომარეობდა - შეძლებდა თუ არა რონდო თავისი ფენომენალური სერიის გაგრძელებას, როცა ის ზედიზედ 16 მატჩის განმავლობაში აგროვებდა მინიმუმ ათშედეგიან გადაცემას. რაჟონმა ეს უპრობლემოდ შეძლო: 15 საგოლე პასი ჩაიწერა აქტივში - ზუსტად იმდენი, რამდენიც მთლიანად "ფილადელფიას" ჰქონდა.
მაიამი-დეტროიტი 98:75
19:21, 31:19, 19:14, 29:21
მ: ჯეიმსი (26), ბოში (22+9 მოხსნა), ჯონსი (18+4 ჩაჭრა), კოული (10).
დ: ნაიტი (16+5 მოხსნა), მონრო (11+7 მოხსნა), სტაკი (11).
სან ანტონიო-იუტა 114:104
31:19, 26:21, 28:36, 29:28
ს-ა: პარკერი (28), ჯინობილი (23+5 მოხსნა), გრინი (14+5 პასი), დანკანი (13+16 მოხსნა+3 დაფარება).
ი: ჯეფერსონი (19+10 მოხსნა), ჰარისი (18+6 პასი), კეროლი (16), ფეივორსი (14+12 მოხსნა), ჰაივორდი (12).
საკრამენტო-ჰიუსტონი 87:104
21:32, 22:26, 20:15, 24:31
ს: უილიამსი (21+8 მოხსნა), ფრედეტე (17), ტომასი (16+6 პასი), უაითსაიდი (4+10 მოხსნა).
ჰ: ლი (25+4 ჩაჭრა), დრაგიჩი (15+9 პასი), ბადინგერი (15+5 მოხსნა+3 ჩაჭრა), სკოლა (13+8 მოხსნა+5 პასი), პარსონსი (10), პატერსონი (10+10 მოხსნა).
ბოსტონი-ფილადელფია 103:79
25:22, 25:14, 34:27, 19:16
ბ: გარნეტი (20+6 მოხსნა), ბასი (18+6 მოხსნა), ბრედლი (18+5 პასი), პირსი (17+5 მოხსნა), ალენი (10), რონდო (7+15 პასი+3 ჩაჭრა).
ფ: ვუჩევიჩი (14+13 მოხსნა), იგუოდალა (13), ტერნერი (10).
ნიუ ჯერსი-კლივლენდი 122:117 (ო)
26:30, 30:18, 20:23, 33:38, 13:8
ნ-ჯ: გრინი (32), მოროუ (24), უილიამსი (18+10 პასი+4 ჩაჭრა), ჰემფრიზი (16+11 მოხსნა), ბრუქსი (14+7 მოხსნა), შ. უილიამსი (9+10 მოხსნა).
კ: ჯეიმისონი (34), ჰადსონი (26), გი (22+11 მოხსნა+5 პასი), ტომპსონი (15+15 მოხსნა), სლოუნი (6+14 პასი).
ოკლაჰომა-ტორონტო 91:75
25:20, 25:23, 20:12, 21:20
ო: დურანტი (23), ჰარდენი (17), უესტბრუკი (15+6 მოხსნა+6 პასი).
ტ: კალდერონი (19+6 პასი), დეროზანი (16).
ყოველდღიური სპორტული გაზეთი "ლელო"
