"ლოს ანჯელეს კლიპერსის" მთავარმა მწვრთნელმა ვინი დელ ნეგრომ კონტრაქტი გააგრძელა კალიფორნიულ კლუბთან" - იტყობინება ეროვნული საკალათბურთო ასოციაციის ოფიციალური ვებგვერდი. "კლიპერსმა" ამ სპეციალისტის ხელმძღვანელობით გასული სეზონი თავისი არსებობის ისტორიაში მოგება/წაგების საუკეთესო შეფარდებით დაასრულა და მეორედ ისტორიაში გავიდა პლეი ოფის მეოთხედფინალში.
ახალი ხელშეკრულება ერთწლიანია. დელ ნეგრომ "კლიპერსი" 2010 წელს ჩაიბარა და ამ დროის განმავლობაში ლოსანჯელესელებმა მოიგეს 72 მატჩი და 76-ჯერ დამარცხდნენ.
"მოხარული ვარ, რომ გეგმის მიხედვით შემიძლია მუშაობის გაგრძელება. მოთამაშეებს ბევრ შანსს ვაძლევ და მჯერა იმის, რის გაკეთებასაც ერთად ვაპირებთ. მე ვაფასებ
აგრეთვე, დამრიგებელმა აღნიშნა, რომ არ ულაპარაკია "კლიპერსის" ხელმძღვანელობასთან უფრო ხანგრძლივი კონტრაქტის გაფორმებაზე.
"ეს ამჟამად ნაკლებად მნიშვნელოვანია. ეს ის ადგილია, სადაც ყოფნა მინდა. უფრო მნიშვნელოვანი პრობლემები მაწუხებს", - აღნიშნა დელ ნეგრომ.
ყოველდღიური სპორტული გაზეთი "ლელო"
