"ლოს ანჯელეს ლეიკერსის" აღმასრულებელმა ვიცე-პრეზიდენტმა ჯიმ ბასმა უარყო ინფორმაცია იმის შესახებ, რომ გუნდი ეძებს ესპანელი ცენტრის, პაუ გასოლის გაცვლის ვარიანტებს. მანვე ისიც აღნიშნა, რომ ამ ზაფხულს გუნდის შემადგენლობაში სერიოზული ცვლილებები არ იგეგმება."ლაპარაკი იმაზე, რომ გასოლი გუნდიდან წავა, სინამდვილეს არ შეესაბამება, - ამბობს სააგენტო AP-თან კომენტარში კალიფორნიული კლუბის ხელმძღვანელი. - არსებობს ვარიანტები, რომ ის უფრო ღრმად ითამაშებს სამწამიან ზონაში, მაგრამ მისი გუნდიდან გაშვება არავის უფიქრია.
სხვა სიტყვებით რომ ვთქვათ, გველოდება ცვლილებები ტაქტიკაში და არა შემადგენლობაში. თავისუფალი აგენტების ბაზრის გახსნის შემდეგ
* * *
"ატლანტა ჰოქსი" დაინტერესებულია "ბოსტონის" მცველის, რეი ალენის გადაბირებით, - წერს ამერიკული პრესა. გარდა ამისა, კლუბის ინტერესთა სფეროში მოხვდნენ ჯამალ კროუფორდი, რომელმაც გასული სეზონი "პორტლენდის" შემადგენლობაში გაატარა და ალონზო გი "კლივლენდიდან".
გარდა ამისა, "ატლანტა" გეგმავს თავისი პოზიციების გაუმჯობესებას მომავალ დრაფტზე და ამისთვის მზად არის, გამოეთხოვოს ჯოშ სმიტსა და მერვინ უილიამსს.
ყოველდღიური სპორტული გაზეთი "ლელო"
