ეროვნული საკალათბურთო ასოციაციის მორიგი დრაფტი ნიუარკში გაიმართა. როგორც მოსალოდნელი იყო, პირველი ნომერი გახდა ცენტრისა და მძიმე ფორვარდის პოზიციაზე მოთამაშე ენტონი დევისი, რომელიც გაზაფხულზე კენტუკის უნივერსიტეტის გუნდში NCAA-ის ჩემპიონი გახდა. დევისი შარშანდელი სეზონის ერთ-ერთ აუთსაიდერს - "ნიუ ორლეანს" ერგო.
დევისს NBA-ის პოტენციურ ვარსკვლავს უწოდებენ და ვარაუდობენ, რომ მან შეიძლება ტიმ დანკანისა და კევინ გარნეტის დონეს მიაღწიოს.
დრაფტის პირველი ნომრის მთავარ ღირსებად მიიჩნევენ კარგ დაცვას, ფარქვეშ ბრძოლასა და ბლოკის დაყენებას.
ასევე დევისი სათავეში ედგა NCAA-ის ლიგას ეფექტურობის მაჩვენებლით. გასაკვირი არ არის, რომ
დრაფტის მეორე ნომერი გახდა არა ბრედლი ბილი, როგორც ამას ანალიტიკოსები ვარაუდობდნენ, არამედ იმავეს "კენტუკის" ფორვარდი მაიკლ კიდ-გილჩირსტი, რომელიც, ამიერიდან, "შარლოტის" საკუთრებაა. დრატფის ისტორიაში პირველად მოხდა, როცა პირველი და მეორე ნომრები ერთი უნივერსიტეტის წარმომადგენლები არიან.
კიდ-გილჩირსტს გამოარჩევს დაცვაში თამაში, უნივერსალიზმი, ლიდერის თვისებები. საქმისადმი სწორი და საჭირო მიდგომით, ანალიტიკოსები მისგან ახალი სკოტი პიპენის გაზრდას ელიან. რაც შეეხება ბილს, რომელსაც გადაცემებს უქებენ, მესამე ნომრად "ვაშინგტონს" ერგო.
უნდა აღინიშნოს, რომ მეათე ნომრად აირჩიეს ოსტინ რივერსი - "ბოსტონ სელტიქსის" მთავარი მწვრთნელის დოკ რივერსის ვაჟი. ვარაუდობდნენ, რომ მას "ტორონტო" აიყვანდა, მაგრამ უმცროსი რივერსი "ნიუ ორლეანს" დარჩა და მცველი კომპანიას გაუწევს პირველ ნომერ დევისს.
ოსტინის სათამაშო თვისებებიდან აღსანიშნავია შეტევაში აგრესია, რის გამოც მას კობი ბრაიანტს ადარებენ, მისი ნაკლი კი ეგოიზმი, საჯარიმოების რეალიზაციის დაბალი პროცენტი, ხშირი შეცდომები და არასაკმარისი ფიზიკური ფორმაა.
პირველ რაუნდში ევროპელთაგან არავინ აურჩევიათ. მეორეში 32-ე ნომერი შეხვდა ესპანეთში მოთამაშე ჩეხს ტომაშ სანტორანსკის, რომელიც ორი წლის წინ, ევროპის ახალგაზრულ ჩემპიონატზე საშუალოდ 15.8 ქულას აგროვებდა. ჩეხი თინეიჯერი "ვაშინგტონს" დარჩა.
48-ე ნომრად "ნიუ იორკმა" არჩია ევროლიგის ჩემპიონი "ოლიმპიაკოსიდან" კოსტას პაპანიკოლაუ, რომელმაც ცსკა-სთან ფინალში 18 ქულა დააგროვა და იმ მატჩში თავის გუნდს 18-ქულიანი დეფიციტის გაბათილების საშუალება მისცა.
I რაუნდი
1. ნიუ ორლეანი ენტონი დევისი (ფ)
2. შარლოტი მაიკლ კიდ-გილჩირსტი (ფ)
3. ვაშინგტონი ბრედლი ბილი (მ)
4. კლივლენდი დიონ ვეიტერსი (მ)
5. საკრამენტო ტომას რობინსონი (ფ)
6. პორტლენდი დამიან ლილარდი (მ)
7. გოლდენ სტეიტი ჰარისონ ბარნსი (ფ)
8. ტორონტო ტერენს როსი (მ)
9. დეტროიტი ანდრე დრუმონდი (ც)
10. ნიუ ორლეანი ოსტინ რივერსი (მ)
11. პორტლენდი მეიერს ლეონარდი (ც)
12. ჰიუსტონი ჯერემი ლემბი (მ)
13. ფინიქსი კენდალ მარშალი (მ)
14. მილუოკი ჯონ ჰენსონი (ფ)
15. ფილადელფია მორის ჰარკლესი (ფ)
16. ჰიუსტონი როის უაიტი (ფ)
17. დალასი ტაილერ ზელერი (ც)
18. ჰიუსტონი ტერენს ჯონსი (ფ)
19. ორლანდო ენდრიუ ნიკოლსონი (ფ)
20. დენვერი ევან ფურნიე (მ)
21. ბოსტონი ჯარედ სალინჯერი (ფ)
22. ბოსტონი ფაბ მელო (ც)
23. ატლანტა ჯონ ჯენკინსი (მ)
24. კლივლენდი ჯარედ კანინგემი (მ)
25. მემფისი ტონი როტენი (მ)
26. ინდიანა მაილს პლამლი (ფ)
27. მაიამი არნეტ მალტრი (ფ)
28. ოკლაჰომა პერი ჯონსი (ფ)
29. ჩიკაგო მარიკს ტიგი (მ)
30. გოლდენ სტეიტი ფესტუს ეზელი (ც)
II რაუნდი
1. შარლოტი ჯეფ ტეილორი (ფ)
2. ვაშინგტონი ტომას სატორანსკი (მ)
3. კლივლენდი ბერნარდ ჯეიმსი (ც)
4. კლივლენდი ჯაე კროუდერი (ფ)
5. გოლდენ სტეიტი დრეიმონდ გრინი (ფ)
6. საკრამენტო ორლანდო ჯონსონი (მ)
7. ტორონტო ქუინსი ეისი (ფ)
8. დენვერი ქუინსი მილერი (ფ)
9. დეტროიტი კრის მიდლტონი (ფ)
10. პორტლენდი უილ ბარტონი (მ)
11. პორტლენდი ტაიშონ ტეილორი (მ)
12. მილუოკი დორონ ლემბი (მ)
13. ატლანტა მაიკ სკოტი (ფ)
14. დეტროიტი კიმ ინგლიში (მ)
15. ფილადელფია ჯასტინ ჰემილტონი (ც)
16. ნიუ ორლეანი დარიუს მილერი (ფ)
17. იუტა კევინ მერფი (ფ)
18. ნიუ იორკი კოსტას პაპანიკოლაუ (ფ)
19. ორლანდო კაილ ო'ქუინი (ც)
20. დენვერი იზეთ თურქილმაზი (ფ)
21. ბოსტონი კრის ჯოზეფი (ფ)
22. გოლდენ სტეიტი ოგნიენ კუჟმიჩი (ც)
23. კლიპერსი ფურქან ალდემირი (ფ)
24. ფილადელფია თორნიკე შენგელია (ფ)
25. დალასი დარიუს ჯონსონ-ოდომი (ფ)
26. ტორონტო ტომისლავ ზუბჩიჩი (ფ)
27. ბრუკლინი ილქან ქარამანი (ფ)
28. მინესოტა რობი ჰუმელი (ფ)
29. სან ანტონიო მარკუს დენმონი (მ)
30. ლეიკერსი რობერტ საკრი (ც)
ყოველდღიური სპორტული გაზეთი "ლელო"
