დღეს არ გავა კარმელო ენტონის შესახებ ამერიკულმა პრესამ ახალი ინფორმაცია არ გაავრცელოს. როგორც ირკვევა, "დენვერის" ლიდერის ხელში ჩასაგდებად "ფილადელფია სიქსერზიც" იბრძვის და კარგ წინადადებასაც სთავაზობს "ნაგეტსის" ხელმძღვანელობას. კერძოდ, "ფილადელფია" მზად არის თავისი ერთ-ერთი წამყვანი მოთამაშე - ანდრე იგუოდალა გაცვალოს კარმელოში. უფრო მეტიც, ამერიკელი ჟურნალისტები წერენ, რომ მოლაპარაკებები აქტიურ ფაზაში არის შესული და გარიგება თითქმის შემდგარია.
შეგახსენებთ, რომ უფრო ადრე, "დენვერმა" და "ფილადელფიამ" უარყვეს ტრეიდის შესახებ ჭორები. მაშინ ამბობდნენ, რომ გაცვლაში მესამე გუნდიც იქნებოდა ჩართული.
როგორც იცით, კარმელოს გადაბირებაზე ერთ-ერთი რეალური
ივლისში პოლი და ენტონი ერთ გუნდში გაერთიანებაზე ბევრს ლაპარაკობდნენ. მათ სურდათ "ნიუ იორკში" ამარე სტაუდმაიერთან ერთად ახალი "დიდი ტრიო" შეექმნათ, მაგრამ კარმელოს "ნეტსში" სავარაუდო ტრეიდის გამო, მათ "დიდი დუეტით" დაკმაყოფილება მოუწევთ.
"ლოს ანჯელეს ლეიკერსის" ლიდერი კობი ბრაიანტი ჯერ ბოლომდე ვერ გამოჯანმრთელდა მუხლზე გადატანილი ოპერაციის შემდეგ. მიუხედავად ამისა, მცველმა უკვე დაგეგმა მოედანზე დაბრუნების თარიღი - კობის ეჭვი არ ეპარება, რომ ახალი რეგულარული სეზონის პირველ მატჩში მოედანზე იქნება. ეს 26 ოქტომბერს მოხდება, როცა მოქმედი ჩემპიონი "ჰიუსტონ როკეტსს" უმასპინძლებს.
"წესით, ამ დროისთვის მუხლი წესრიგში მექნება და მოედანზე გასვლას შევძლებ. არ მიყვარს გეგმების დაწყობა ან კონკრეტულ თარიღებზე ლაპარაკი. თუმცა თითქმის დარწმუნებული ვარ, რომ რეგულარული ჩემპიონატის სასტარტო შეხვედრაში ვითამაშებ. ახლა საკმაოდ კარგ ფიზიკურ ფორმაში ვარ, ოღონდ ვარჯიშებზე მხოლოდ ბურთის სროლით ვარ დაკავებული და სერიოზულ დატვირთვებზე არ გადავსულვარ. ოპერაციის შემდეგ ვცდილობდი მუხლი თანდათან დამეტვირთა და აგერ უკვე თვეზე მეტია მსუბუქ გარბენებს ვასრულებ. ამავდროულად, არ მინდა დავაჩქარო პროცესი მხოლოდ იმის გამო, რომ გულშემატკვირებმა რაც შეიძლება მიხილონ მოედანზე", - აცხადებს 31 წლის კალათბურთელი.
გამორიცხული არ არის, რომ ბრაიანტმა წინასასეზონო მატჩებშიც მიიღოს მონაწილეობა, მაგრამ მწვრთნელები მოერიდებიან მის მაქსიმალურად დატვირთვას.
ყოველდღიური სპორტული გაზეთი
"ლელო"
