ეროვნულ საკალათბურთო ასოციაციაში საკონტროლო მატჩები დაიწყო და პირველი შეხვედრა ჩაატარა "მაიამი ჰიტმა", რომლის მიმართ საკალათბურთო სამყაროში განსაკუთრებული ყურადღებაა მიპყრობილი. თუმცა ფლორიდელთა მატჩი "დეტროიტთან" დუეინ უეიდის ტრავმამ "გააფუჭა". პუბლიკამ ვერ იხილა "დიდი სამეულის" (უეიდი-ლებრონ ჯეიმსი-კრის ბოში) და ამის გამო ნაადრევად დატოვა დარბაზი.
როგორც გუშინ ვწერდით, წინასასეზონო მატჩების სერია ლონდონში გაიხსნა, სადაც "მინესოტამ" 111:92 გაანადგურა "ლეიკერსი". გუშინ კი რვა მატჩი გაიმართა. მაიამიში ბოლომდე შეივსო American Airlines Arena-ის ტრიბუნები. მაყურებელს ერთი სული ჰქონდა, როდის იხილავდა საქმეში "დიდ ტრიოს", მაგრამ როგორც ვთქვით, სანახაობა დუეინ
თუმცა "დიდი ტრიო" მაყურებელმა ცოტა ხნით, მაგრამ მაინც ი
ხილა. პირველ მეოთხედში, რომელიც "მაიამიმ" 24:15 მოიგო, ჯეიმსმა, ბოშმა და უეიდმა ერთად მოედანზე სამ წუთზე ოდნავ მეტი გაატარეს. ლებრონმა და კრისმა მატჩი ბოლომდე ითამაშეს. ჯეიმსმა 27 წუთი მოუწია მოედანზე ყოფნა და 18 ქულა დააგროვა, ამასთან არც ერთი სამქულიანი არ ჩაუგდია. ბოშის მაჩვენებელები უკეთესი იყო - ყოფილმა ტორონტონელმა 20 ქულა მიითვალა. საბოლოოდ, "მაიამიმ" 105:89 გაიმარჯვა, კრიტიკოსებმა კი გუნდის თამაშს "პერსპექტიული, მაგრამ არაიდეალური" უწოდეს. თუმცა პირველივე მატჩში მეტის მოთხოვნა არ იქნებოდა გამართლებული.
"ამ მომენტს მთელი ზაფხული ველოდი. მინდოდა, რაც შეიძლება სწრაფად გავსულიყავი მოედანზე და ახალი სეზონისთვის მზადება დამეწყო. გულშემატკივარი ბრწყინვალედ შემხვდა. კარგია, რომ მათ პოზიტიურ ენერგიას ანალოგიურად ვუპასუხეთ და "დეტროიტი" დავამარცხეთ", - განაცხადა მატჩის შემდეგ ჯეიმსმა.
სამართლიანობა მოითხოვს აღინიშნოს, რომ საფინალო სირენის მომენტში ნახევარი დარბაზი ცარიელი იყო. გულშემატკივარი "დიდი ტრიოს" თამაშის სანახავად მივიდა, რომელსაც "მაიამის" მომავალი წარმატებები უკავშირდება და როცა დაპირებული შოუ ვერ იხილა, მატჩის დასრულებას არ დაელოდა.
"ვფიქრობ, ყველა მოუთმენლად ელოდა მოედანზე ჩვენს გამოჩენას. უნდოდათ ენახათ, რა შეუძლია ჩვენს ტრიოს და რეალურად რისი მიღწევა შეუძლია ჩვენს გუნდს", - დაიცვა გულშემატკივრები ლებრონმა.
სხვათა შორის, ლებრონის თამაში პირველ მატჩში იდეალური არ ყოფილა. განსაკურებით საგანგაშო იყო კრის ბოშთან შეთამაშება: ლებრონი თითქოს ვერ ხედავდა თანაგუნდელს, რომელიც ფართან ახლოს კარგად იხსნებოდა. პირველ 12 წუთში ჯეიმსმა 12 ქულა დააგროვა. მეორე ტაიმში 15 ბურთი ისროლა და მიზანს მხოლოდ ოთხმა მიაღწია.
"პირველ მატჩში ნაჩვენები თამაშით კმაყოფილი ვარ, - განაცხადა "მაიამის" მთავარმა მწვრთნელმა ერიკ სპოელსტრამ. - გამახარა ბიჭების მონდომებამ, რომლებსაც ძალიან უნდოდათ საკუთარი გულშემატკივრებისთვის საუკეთესო თამაშის ჩვენება. ცხადია, რომ ყველა კალათბურთელი მოუთმენლად ელის რეგულარული ჩემპიონატის დაწყებას".
კლივლენდი-შარლოტი 87:72
27:17, 16:30, 27:15, 17:10
კ: გიბსონი (18), ჰიქსონი (17+9 მოხსნა), სეშენსი (11+5 პასი), პარკერი (10).
შ: ოგუსტინი (14), ტომასი (11+9 მოხსნა), კრიტერტონი (11), ბრაუნი (10+7 მოხსნა).
ფილადელფია-ნიუ ჯერსი 103:96
27:26, 31:31, 19:21, 19:25
ფ: სპეიტსი (19+9 მოხსნა), ბრენდი (15), ტერნერი (12+7 მოხსნა), უილიამსი (10).
ნ-ჯ: ლოპესი (24+7 მოხსნა), უილიამსი (20+8 პასი).
მაიამი-დეტროიტი 105:89
24:15, 34:23, 29:30, 18:21
მ: ბოში (20+6 მოხსნა), ჯეიმსი (18), ჰასლემი (14+13 მოხსნა), ჩალმერსი (10+7 პასი), აროიო (10).
დ: გორდონი (17+5 მოხსნა), პრინსი (15), დეი (12), ჰემილტონი (10), მონრო (10).
მილუოკი-ჩიკაგო 92:83
21:16, 21:23, 21:23, 29:21
მ: ბოიკინსი (14), გუდენი (12), დულინგი (12), მბა ა მუტე (11), დუგლას-რობერტსი (10).
ჩ: კორვერი (22), დენგი (16+4 ჩაჭრა), როუზი (13), ნოა (10+6 მოხსნა).
დალასი-ვაშინგტონი 94:97
26:31, 28:27, 18:29, 22:10
დ: ტერი (15), ნოვიცკი (11+5 მოხსნა), ჩენდლერი (10+9 მოხსნა), მაინმი (10).
ვ: ბლეტჩი (22+5 მოხსნა), უოლი (21+9 პასი), მაკგი (13+7 მოხსნა+6 დაფარება), არენასი (12), იანლიანი (11+10 მოხსნა).
ჰიუსტონი-ორლანდო 88:97
26:29, 19:32, 21:17, 22:19
ჰ: მარტინი (14), ლი (12), ბრუქსი (11), ბადინგერი (10).
ო: ჰოვარდი (19+12 მოხსნა), კარტერი (14+5 მოხსნა), ლუისი (12), გორტატი (10+5 მოხსნა).
საკრამენტო-ფინიქსი 109:95
26:31, 25:27, 29:22, 29:15
ს: ევანსი (26+5 პასი), ტომპსონი (17+10 მოხსნა), კაზინსი (16+16 მოხსნა), კასპი (11+7 მოხსნა), მ. ლენდრი (11).
ფ: რიჩარდსონი (17+5 მოხსნა), ლოპესი (15+6 მოხსნა), დადლი (13+5 მოხსნა), უორიკი (11), დრაგიჩი (10).
პორტლენდი-კლიპერსი 115:86
30:19, 34:17, 26:23, 25:27
პ: მეტიუზი (20), ოლდრიჯი (17+7 მოხსნა), ფერნანდესი (15+5 მოხსნა), როი (12), ბატუმი (10).
კ: კამანი (14+7 მოხსნა).
ყოველდღიური სპორტული გაზეთი
"ლელო"
