ახალი სეზონის წინ ეროვნულ საკალათბურთო ასოციაციაში ხმაურიანი ტრეიდი განხორციელდა - "ოკლაჰომა-სიტიმ" თავისი ერთ-ერთი ლიდერის, შემტევი მცველის ჯეიმს ჰარდენის "ჰიუსტონში" გაშვება გადაწყვიტა. ეს მას შემდეგ მოხდა, რაც ჰარდენმა არ მიიღო კლუბის ახალი შეთავაზება - ოთხწლიანი ხელშეკრულების სანაცვლოდ 55.5 მილიონი დოლარი. მცველს მაქსიმალური კონტრაქტის გაფორმება სურდა.
ამის შემდეგ "ოკლაჰომას" გენერალურმა მენეჯერმა მაშინვე მიიღო შემტევი მცველის გაცვლის გადაწყვეტილება. გარიგების თანახმად, "ოკლაჰომამ" დაიმატა შემტევი მცველი კევინ მარტინი, ახალბედა ჯერემი ლემბი და 2013 წლის დრაფტში სამი არჩევანის უფლება: ორი პირველ რაუნდში და ერთი მეორეში.
თავის
ვარაუდობენ, რომ "როკეტსი" ოთხშაბათამდე მოაწერს ხელს ჰარდენთან კონტრაქტს, რომელიც ოთხწლიანი იქნება და კალათბურთელი ჯამში 60 მილიონ დოლარს მიიღებს.
* * *
სერიოზული პრობლემები აქვს "ნიუ იორკ ნიქსის" მძიმე ფორვარდს ამარე სტაუდმაიერს, რომელსაც მუხლის ტრავმა აწუხებს.
როგორც ვარაუდობდნენ, ამარეს აღდგენითი პროცესისთვის ორი-სამი კვირა დასჭირდებოდა და ამ მიზეზით რეგულარული ჩემპიონატის რამდენიმე საწყის შეხვედრას გამოტოვებდა, მაგრამ კიდევ ერთი სამედიცინო შემოწმების შემდეგ სტაუდმაიერმა ფინიქსში გამგზავრება გადაწყვიტა, სადაც ის კონსულტაციას გაივლის თავის ყოფილ მკურნალ ექიმთან.
ამ ამბის შემდეგ "ნიქსის" მწვრთნელი მაიკ ვუდსონი აცხადებს, რომ ახლა არ არსებობს სტაუდმაიერის დაბრუნების ზუსტი თარიღი. ეს შეიძლება ერთი-ორი თვის შემდეგ მოხდეს. ყველაფერი ფორვარდის ექიმის ვერდიქტზე იქნება დამოკიდებული.
* * *
ამასობაში დასრულდა წინასასეზონო მატჩები. მოგება/წაგების საუკეთესო შეფარდება "ფილადელფიას" აღმოაჩნდა, ყველაზე უარესი შედეგი კი, როგორც ვწერდით, "ლეიკერსს" აქვს.
გთავაზობთ საგამოფენო მატჩების საბოლოო ცხრილს.
აღმოსავლეთი
ა გ თ მ წ %
1. ფილადელფია 7 6 1 85.7
2. ტორონტო 6 5 1 83.3
3. ჩიკაგო 7 5 2 71.4
4. მაიამი 8 4 4 50.0
5. ინდიანა 7 4 3 57.1
6. ნიუ იორკი 6 3 3 50.0
7. დეტროიტი 8 4 4 50.0
8. ნიუ ჯერსი 6 3 3 50.0
9. ატლანტა 7 3 4 42.9
10. ვაშინგტონი 8 3 5 37.5
11. მილუოკი 8 3 5 37.5
12. ბოსტონი 6 2 4 33.3
13. კლივლენდი 6 2 4 33.3
14 ორლანდო 8 2 6 25.0
15. შარლოტი 8 1 7 12.5
დასავლეთი
ა გ თ მ წ %
1. გ. სტეიტი 7 5 2 71.4
2. საკრამენტო 7 5 2 71.4
3. ჰიუსტონი 7 5 2 71.4
4. მინესოტა 6 4 2 66.7
5. კლიპერსი 8 5 3 62.5
6. იუტა 8 5 3 62.5
7. ოკლაჰომა 7 4 3 57.1
8. ფინიქსი 7 4 3 57.1
9. დალასი 6 3 3 50.0
10. სან ანტონიო 6 3 3 50.0
11. ნიუ ორლეანი 8 4 4 50.0
12. პორტლენდი 7 3 4 42.9
13. დენვერი 7 3 4 42.9
14. მემფისი 7 3 4 42.9
15. ლეიკერსი 8 0 8 00.0
ყოველდღიური სპორტული გაზეთი "ლელო"
