ეროვნულმა საკალათბურთო ასოციაციამ რეგულარული ჩემპიონატის პირველი თვის ლაურეატების გამოვლენა დაიწყო. თავდაპირველად დასახელდნენ ნოემბრის საუკეთესო მწვრთნელები.
აღმოსავლეთის ლაურეატი გახდა "ბრუკლინ ნეტსის" დამრიგებელი ეივერი ჯონსონი. მისმა გუნდმა გასულ თვეში 11 მატჩი მოიგო და ოთხჯერ დამარცხდა. მოგებების რაოდენობით, "ბრუკლინი" არ ჩამოუვარდება აღმოსავლეთის ფავორიტებს - "მაიამი ჰიტსა" (11-3) და "ნიუ იორკ ნიქსს" (11-4).
15 მატჩში 11 მოგება საუკეთესო სტარტია კლუბის ისტორიაში. გარდა ამისა, "ნეტსმა" არსებობის ისტორიაში ყველაზე დიდი ანგარიშით მოიგო შეხვედრა - 107:68 "ორლანდოს" წინააღმდეგ. და კიდევ, "ბრუკლინი" საშუალოდ მატჩში 90.4 ქულას უშვებს, რაც
დასავლეთში საუკეთესოდ დაასახელეს "მემფისის" მთავარი მწვრთნელი ლაიონელ ჰოლინზი. მისმა გუნდმა გასულ თვეში საუკეთესო ბალანსი აჩვენა - 12 მოგება და 2 წაგება.
"გრიზლისი" ლიგის ლიდერია დაცვაში თამაშით - მისი მეტოქეები საშუალოდ მატჩში მხოლოდ 90.1 ქულას აგროვებენ. საინტერესოა, რომ 11 და 14 ნოემბერს, "მემფისმა" შარშანდელი სეზონის ფინალისტებს - "მაიამისა" (104:86) და "ოკლაჰომას" (107:97) ორნიშნა სხვაობით მოუგო.
თვის მწვრთნელობაზე პრეტენდენტები იყვნენ: ლარი დრიუ ("ატლანტა"), მაიკ დანლეპი ("შარლოტი"), ერიკ სპოელსტრა ("მაიამი"), მაიკ ვუდსონი ("ნიუ იორკი"), სკოტ ბრუქსი ("ოკლაჰომა") და გრეგ პოპოვიჩი ("სან ანტონიო").
ყოველდღიური სპორტული გაზეთი "ლელო"
