დღის მთავარი მატჩი დალასში გაიმართა და ადგილობრივმა "მავერიქსმა" წელს პირველად შეძლო დასავლეთი კონფერენციის ტოპ-ოთხეულში მყოფი გუნდის დამარცხება. "კლიპერსთან" 27 მარტის მატჩამდე "დალასს" 11 მარცხი ჰქონდა "სან ანტონიოს", "ოკლაჰომას", "კლიპერსისა" და "დენვერის" წინააღმდეგ.მიუხედავად ამისა, რიკ კარლაილის გუნდი, რომელიც შესანიშნავად ატარებს სეზონის მეორე ნახევარს, ყველაფერს აკეთებს იმისთვის, რომ სეზონი აპრილში არ დაამთავროს და პლეი ოფის საგზური მოიპოვოს.
მატჩის დიდი ნაწილი მასპინძლებს მდევრის როლში ყოფნა მოუწიათ, მაგრამ მეოთხე მეოთხედში საბოლოოდ აუღეს ალღო კალიფორნიელთა თამაშს. "კლიპერსის" რიგებში ბრწყინავდა კრის პოლი, რომელმაც 33 ქულით
ოვერტაიმში კი სტუმრებს ძალები არ ეყოთ. სამაგიეროდ, ენერგია და ბრძოლის ჟინი საკმარისად შერჩა დირკ ნოვიცკის, რომელმაც საბოლოოდ დაიბრუნა თავისი ოპტიმალური კონდიციები. გერმანელმა დამატებით ხუთ წუთში 8 ქულა აიღო და შანსი არ დაუტოვა კრის პოლსა და კომპანიას.
"დალასი" ახლა მეათე ადგილზეა 35 მოგებითა და 36 წაგებით. ასეთივე მაჩვენებელი აქვს "იუტა ჯაზს", ხოლო მათზე ზემოთ მერვე პოზიციაზე იმყოფება "ლეიკერსი" 36 მოგებითა და 35 წაგებით.
* * *
კევინ გარნეტის გარეშე "ბოსტონის" საქმეები დაცვაში უკან მიდის. ბოლო ხუთი მატჩიდან ოთხში "კელტებმა" 100 ან მეტი ქულა გაუშვეს, ხოლო შეტევა ვერ ახდენს დაცვაში წარმოქმნილი პრობლემების კომპენსირებას. როგორც წესი, "ნიუ იორკს" ყოველთვის უჭირს "მწვანეების" მოედანზე თამაში, მაგრამ ახლა ყველაფერი პირიქით იყო. ტრავმებით გაწამებული დოკ რივერსის გუნდი მხოლოდ მეოთხედნახევარი ეწინააღმდეგებოდა მეტოქეს, რის შემდეგაც "ნიუ იორკი" 14:0 გაიქცა და მატჩის ბოლომდე შვიდ ქულაზე ახლოს არ მიიკარა "ბოსტონი". ეს იყო "სელტიქსის" ზედიზედ მეხუთე მარცხი.
ბოსტონი-ნიუ იორკი 85:100
24:28, 20:30, 25:26, 16:16
ბ: გრინი (19+10 მოხსნა+6 პასი), პირსი (16+6 მოხსნა+6 პასი), ჯორ. კროუფორდი (14+6 პასი), ბასი (11+7 მოხსნა+3 დაფარება), ტერი (10).
ნ-ი: სმიტი (32+7 მოხსნა+3 ჩაჭრა), ენტონი (29+8 მოხსნა+3 ჩაჭრა).
დეტროიტი-მინესოტა 82:105
16:19, 22:25, 16:38, 28:23
დ: კალდერონი (14), მონრო (11+12 მოხსნა+4 ჩაჭრა), მიდლტონი (10).
მ: ბარეა (21), პეკოვიჩი (18+11 მოხსნა), რიდნური (15+3 ჩაჭრა), რუბიო (14+9 პასი).
დალასი-კლიპერსი 109:102 (ო)
22:27, 28:21, 24:25, 23:24, 12:5
დ: ნოვიცკი (33+9 მოხსნა), კარტერი (14+5 მოხსნა+3 ჩაჭრა), კოლისონი (13), რაიტი (11+7 მოხსნა), მაიო (11+5 მოხსნა+3 ჩაჭრა), მ. ჯეიმსი (10+6 პასი).
კ: პოლი (33+6 მოხსნა+5 პასი), გრიფინი (14+9 მოხსნა), ბატლერი (14), კროუფორდი (10+5 პასი), ბარნსი (10), ჯორდანი (8+11 მოხსნა).
მეტამ სეზონი დაასრულა?
პრობლემები არ აკლდება "ლოს ანჯელეს ლეიკერსს". მას შემდეგ, რაც კალიფორნიულ კლუბს დაუბრუნდნენ კობი ბრაიანტი და პაუ გასოლი, სერიოზული ტრავმა მიიღო გუნდის კიდევ ერთმა წამყვანმა მოთამაშემ მეტა უორლდ პისმა. მან მუხლის დაზიანების გამო ვერ დაასრულა შეხვედრა "გოლდენ სტეიტთან".
ექიმების მიერ დასმული წინასწარი დიაგნოზი არასახარბიელო აღმოჩნდა - ფორვარდს მარცხენა მუხლის მენისკი აქვს გაწყვეტილი.
ასეთი ტრავმის დროს აღდგენითი პროცესის ხანგრძლივობა სხვადასხვაგვარია. მაგალითად, "მინესოტას" კალათბურთელს ჩეიზ ბადინგერს მწყობრში ჩასადგომად თითქმის ოთხი თვე დასჭირდა, ტაირუს ტომასმა კი ამგვარი დაზიანება ცხრა კვირაში მოირჩინა.
თავად კალათბურთელი ოპტიმიზმს ინარჩუნებს. "სამწუხაროა, რომ ტრავმა მივიღე - მუხლის პირველი ტრავმა კარიერაში. იმედია, მოედანზე ერთ-ორ კვირაში დავბრუნდები", - დაწერა თავის "ტვიტერზე" უორლდ პისმა.
ფორვარდი დღეს გაივლის სამედიცინო შემოწმებას და ცნობილი გახდება საბოლოო დიაგნოზი, თუმცა "ლეიკერსის" დამრიგებელმა მაიკ დ'ენტონიმ განაცხადა, რომ თითქმის გამორიცხულია ამ სეზონში მეტა უორლდ პისის თამაში.
მიმდინარე სეზონის 70 მატჩში უორლდ პისმა საშუალოდ 12.8 ქულა და 5.1 მოხსნა დააგროვა.
ყოველდღიური სპორტული გაზეთი "ლელო"
ასევე იხილეთ:
NBA. რეგულარული ჩემპიონატი. კვირის მოთამაშეები
