სერია, რომელსაც თითქოს დაკარგული ჰქონდა ინტრიგა, პლეი ოფის ერთ-ერთ ყველაზე საინტერესო დაპირისპირებად გადაიქცა. არადა, "ნიქსის" მიერ პირველი სამი მატჩის მოგების შემდეგ ვერავინ წარმოიდგენდა, რომ სერიას ინტრიგა დაუბრუნდებოდა. ასევე რთული წარმოსადგენი იყო, რომ 2 მაისის დასაწყისის შემდეგ "ბოსტონი" შეძლებდა "მედისონ სკვერ გარდენში" "ნიუ იორკის" დამარცხებას. პირველი ოთხწუთნახევრის განმავლობაში, სტუმრებმა საერთოდ ქულა ვერ აიღეს, პირველ რვა წუთში კი თამაშიდან მხოლოდ ბასმა მოათავსა ბურთი კალათში.
მაგრამ "სელტიქსმა" თანდათან დაალაგა შეტევითი მოქმედებები და 92 ქულა დააგროვა, რაც ამ სერიაში მისი საუკეთესო მაჩვენებელია. მთავარი ის
"ნიუ იორკს" ამ მატჩში დაუბრუნდა ჯეი არ სმიტი, რომელიც წინა შეხვედრაში დისკვალიფიცირებული გახლდათ, მაგრამ მისგან სარგებლობა მინიმალური იყო - სეზონის საუკეთესო მეექვსე მოთამაშემ 14-დან მხოლოდ სამი სროლა მოათავსა კალათში.
ოდნავ უკეთ გამოიყურებოდა კარმელო ენტონი, რომელმაც ზედიზედ მეორე შეხვედრა ჩააგდო. 22 ქულა - ასე ცოტა ამ ფორვარდს მარტის შემდეგ არ დაუგროვებია.
ამ ყველაფრის მიუხედავად, "ნიუ იორკს" ჰქონდა გადარჩენის შანსი. სირენამდე წუთით ადრე, სმიტის სამქულიანის შემდეგ სხვაობა 5 ქულას შეადგენდა, მაგრამ საპასუხო შეტევაში საშუალო ტყორცნა ჩააგდო კევინ გარნეტმა. თავის მხრივ, "ნიქსმა" ზედიზედ ორი შეტევა გააფუჭა.
ასე რომ, მომდევნო მატჩში "ბოსტონს" შეუძლია სერიაში ანგარიშის გათანაბრება, რადგან შინ თამაშობს. მთავარია, დოკ რივერსის ვეტერანებს ძალები ეყოთ ბრძოლის გასაგრძელებლად.
ნიუ იორკი-ბოსტონი 86:92
22:20, 17:25, 21:24, 26:23
ნ-ი: ენტონი (22+7 მოხსნა), ფელტონი (21+6 მოხსნა+4 პასი), სმიტი (14), შამპერტი (12+6 მოხსნა+3 ჩაჭრა), ჩენდლერი (8+11 მოხსნა+3 ჩაჭრა).
ბ: გრინი (18+4 პასი), ბასი (17+5 მოხსნა+3 პასი), ტერი (17+3 პასი), გარნეტი (16+18 მოხსნა+5 პასი), პირსი (16+3 პასი).
სერია: 3-2
* * *
ამ სერიაში მხოლოდ მასპინძლები იმარჯვებენ, თანაც, ორნიშნა სხვაობით. გამონაკლისი არც მეხუთე მატჩი გახდა და "ინდიანა" სერიაში წინ გავიდა. "პეისერსი" ამას, პირველ რიგში, დევიდ უესტს უნდა უმადლოდეს, რომელიც არა მხოლოდ მატჩის ყველაზე შედეგიანი კალათბურთელი იყო (თამაშიდან - 16-დან 11), არამედ მეორე მეოთხედში გადამწყვეტი გაქცევის (8:0) სულისჩამდგმელი გახდა. სწორედ ამ დროს მოიპოვეს მასპინძლებმა ინიციატივა, რომელიც ბოლომდე ხელიდან აღარ გაუშვიათ.
მართალია, "ატლანტამ" მატჩში მხოლოდ ექვსი შეცდომა დაუშვა, მაგრამ ამისგან სარგებლობა ნაკლები იყო იმის გამო, რომ გუნდის უკანა ხაზმა შეტევაში ძალიან ცუდად ითამაში: ჰარისისა და ტიგის დუეტმა თამაშიდან მხოლოდ 6 ტყორცნა (25-დან) გამოიყენა.
ვერ ბრწყინავდა ასევე სმიტისა და ჰორფორდის წყვილი. პირველმა ზედმეტი პერსონალურების გამო მოედანზე მხოლოდ 26 წუთი გაატარა, ჰორფორდმა კი 14-დან ცხრა ტყორცნა ააცილა მიზანს.
ინდიანა-ატლანტა 106:83
21:22, 29:21, 31:24, 25:16
ი: უესტი (22), ჯორჯი (18+10 მოხსნა+4 პასი), ჰიბერტი (16+7 მოხსნა+3 პასი), ჰილი (13+8 პასი).
ა: სმიტი (14+4 ჩაჭრა), ჰორფორდი (14+7 მოხსნა), ჰარისი (13+3 პასი), კორვერი (10+5 მოხსნა).
სერია: 3-2
რასელის გარეშე რთულია
ეჭვი არავის ეპარებოდა იმაში, რომ რასელ უესტბრუკის დაკარგვა "ოკლაჰომას" სერიოზულად დააზარალებდა, მაგრამ ვერავინ წარმოიდგენდა, თუ ამ მცველის არყოფნა ვიცე-ჩემპიონს პირველივე რაუნდში ასეთ პრობლემებს შეუქმნიდა. ბოლო სამ მატჩში ბრუქსის შეგირდებმა საშუალოდ მხოლოდ 9 ქულა დააგროვეს სწრაფი გარღვევებით. არადა, მანამდე ეს მაჩვენებელი 22.5 ქულას უდრიდა.
და რაც ყველაზე მთავარია, "თანდერმა" ბოლო ორი მატჩი წააგო, მათ შორის ერთი საკუთარ მოედანზე.
"როკეტსი" კარგი იყო შორეული ტყორცნების დროს (35-დან 14). ასევე, არ გაგვიკვირდა ჯეიმს ჰარდენის 31 ქულა და მისი კარიერის რეკორდი ზუსტი სამქულიანების რაოდენობით (ცხრიდან შვიდი). ყველაზე მეტად გაგვაკვირვა აშიქმა.
სირენამდე შვიდი წუთით ადრე მასპინძლები შვიდ ქულას აგებდნენ და სხვაობის შესამცირებლად თითქოს სწორი სტრატეგია აირჩიეს - ტაქტიკური ჯარიმები აშიქის წინააღმდეგ. თურქი 50 პროცენტზე ოდნავ მაღალი სიზუსტით ისვრის საჯარიმოებს, მაგრამ ამჯერად აშიქი თავის თავს გადაახტა - 18-დან 13 ბურთი ჩააგდო საჯარიმოს ხაზიდან, მათ შორის - 12-დან 8 ბოლო წუთებზე.
თამაშის გადარჩენის მეორე გეგმა კევინ დურანტზე აქცენტის გაკეთება იყო. "თანდერის" ლიდერმაც მაქსიმალურად მოინდომა, 45 წუთში 36 ქულა დააგროვა, მაგრამ თანაგუნდელებისგან სათანადო დახმარებას ვერ ეღირსა და მისი შედეგიანობა მოგებისთვის საკმარისი არ აღმოჩნდა.
ოკლაჰომა-ჰიუსტონი 100:107
26:30, 17:20, 32:37, 25:20
ო: დურანტი (36+7 პასი+7 მოხსნა), ჯექსონი (20+3 პასი), იბაკა (14+9 მოხსნა).
ჰ: ჰარდენი (31+8 მოხსნა+3 პასი), აშიქი (21+11 მოხსნა), გარსია (18+5 მოხსნა+3 პასი), ბევერლი (14+8 მოხსნა), პარსონსი (10+5 მოხსნა+4 პასი), ბრუქსი (10+3 პასი).
სერია: 3-2
ყოველდღიური სპორტული გაზეთი "ლელო"
ასევე იხილეთ:
NBA. პლეი ოფი: საშიში "ბეჰემოტი"
