NBA-ის მოქმედი ჩემპიონი "ლეიკერსი" გუშინდელ დღეს ზედიზედ ორი წაგებით შეხვდა, ამიტომაც ყველა დარწმუნებული იყო იმაში, რომ კალიფორნელები სტუმრად "მემფისთან" მატჩში დაასრულებდნენ ამ უიღბლო სერიას. ამის ყველას სჯეროდა, გარდა მასპინძელთა გუნდისა, რომელიც სამმატჩიანი საშინაო მოგებათა სერიის გაგრძელებას ლამობდა.
შეხვედრის დასაწყისიდანვე ჩანდა, რომ სტუმრებს რთული გამოცდა ელოდათ. მართალია, კობი ბრაიანტი სტაბილურად აგროვებდა ქულებს, მაგრამ კონლი, გეი და რენდოლფი ვალში არ რჩებოდნენ "ლეიკერსის" ლიდერს. მაგრამ თუ პირველ ტაიმში ორივე გუნდი შედეგიან თამაშს აჩვენებდა, მეორე ნახევარში ზუსტმა ტყორცნებმა იკლო და ამაში მასპინძელთა დამსახურებაა, რომლებმაც მეტოქეს
და მაინც, სტუმრებს ჰქონდათ შეხვედრის გადარჩენის რეალური შანსი, როცა ორქულიანი ჩამორჩენისას 10 წამით ადრე პაუ გასოლმა მაიკ კონლის აართვა ბურთი და შეტევაში გაუშვა ბრაიანტი, მან კი რონ არტესტს მიაწოდა, მაგრამ რუდი გეის დაფარებამ ზედიზედ მესამედ წააგებინა "ლეიკერსს". ასეთი რამ არ მომხდარა 2008 წლის შემდეგ, როცა კალიფორნიელებმა პაუ გასოლი... "მემფისიდან" გადაიბირეს.
რა თქმა უნდა, გვერდს ვერ ავუვლით ვეტერანი ტიმ დანკანის მიღწევას. "სან ანტონიოს" ლიდერმა აქამდე სამმაგი დუბლი მხოლოდ სამჯერ შეასრულა, აქედან ბოლო ტრიპლ-დაბლი 2003 წლის 14 მარტით თარიღდებოდა. და აი ახლა, NBA-ის ოთხგზის ჩემპიონმა ახალგაზრდობა გაიხსენა და "გოლდენ სტეიტის" წინააღმდეგ 15 ქულა, 18 მოხსნა და 11 შედეგიანი პასი დააგროვა, თანაც ნუ დაგვავიწყდება, რომ მეურვეებად დევიდ ლი და ანდრის ბიედრინში ჰყავდა.
* * *
"ჩიკაგო ბულზის" ახალწვეულმა კარლოს ბუზერმა მოირჩინა ხელის ტრავმა და მალე მოედანზე დაბრუნდება. გუნდის მთავარი მწვრთნელი ტომ ტიბოდო თავიდანვე აპირებს "იუტას" ყოფილი მოთამაშის სასტარტო ხუთეულში ჩასმას - კარლოსი ტაჯ გიბსონს შეცვლის.
"არ მგონია, რომ ამ ნაბიჯმა შესამჩნევად შეცვალოს ჩვენი სტილი, - ამბობს ტიბოდო. - დარწმუნებული ვარ, კარლოსის დაბრუნება მნიშვნელოვნად გააუმჯობესებს ჩვენს თამაშს".
ბუზერის გამოსვლა ლუოლ დენგს ამოსუნთქვის საშუალებას მისცემს. ამჟამად ბრიტანელი მესამე ადგილზეა ლიგაში მოედანზე გატარებული წუთების მიხედვით - საშუალოდ 39.7 წუთი. ამ კომპონენტში ის მხოლოდ კევინ დურანტსა და რუდი გეის ჩამორჩება.
"ამ მომენტისთვის დენგმა იმაზე მეტი ითამაშა, ვიდრე დაგეგმილი გვქონდა. ამის გამო მე მას დასვენების საშუალებას მივცემ", - დაამატა ტიბოდომ.
* * *
"მაიამი ჰიტი" კრიზისის დაძლევას ცდილობს. ამ მიზნით ლებრონ ჯეიმსსა და გუნდის მთავარ მწვრთნელ ერიკ სპოელსტრას შორის 30-წუთიანი შეხვედრა გაიმართა.
სპოელსტრამ განაცხადა, რომ შეხვედრა არ ეხებოდა მწვრთნელსა და მოთამაშეს შორის უთანხმოებას, რომელსაც "ჰიტის" დამრიგებელმა "ჯანსაღი კონფლიქტი" უწოდა. ლაპარაკი იყო სეზონის სტარტზე "მაიამის" ცუდი თამაშის შესახებ. "მჯერა, რომ ეს შეხვედრა გუნდს წაადგება", - განაცხადა სპოელსტრამ.
მწვრთნელთან კონფლიქტის ფაქტი უარყო ჯეიმსმაც, არადა, ყველამ იცის, რომ სპოელსტრა მოთამაშისგან სტატისტიკური მაჩვენებლების გაუმჯობესებას ითხოვდა: "ვფიქრობ, ეს ყველასთვის იმედგაცრუებაა. რაც შეეხება ჩემსა და სპოელსტრას შორის უთანხმოებას, ასეთი რამ არ არსებობს. თუ მწვრთნელისთვის რაიმეს თქმა მინდა - მასთან მივდივარ და პირდაპირ ვეუბნები. მასაც შეუძლია ჩემთან მოსვლა. ჩვენ სრული ურთიერთგაგება გვაქვს".
კლივლენდი-ბოსტონი 87:106
23:21, 22:35, 20:24, 22:26
კ: ვარეჟაო (16+12 მოხსნა), გიბსონი (16), სეშენსი (14), უილიამსი (13), პარკერი (13), ჰიქსონი (1+11 მოხსნა).
ბ: რონდო (23+12 პასი+5 მოხსნა), დევისი (17+11 მოხსნა), ალენი (12), გარნეტი (11+10 მოხსნა), პირსი (11).
ორლანდო-დეტროიტი 90:79
18:23, 25:22, 21:16, 26:18
ო: ლუისი (20), პიეტრუსი (13+5 მოხსნა), კარტერი (13), რედიკი (10).
დ: პრინსი (16), სტაკი (14+5 პასი), ვილანუევა (12+5 მოხსნა), ჰემილტონი (12), გორდონი (10).
ფილადელფია-პორტლენდი 88:79
29:29, 18:17, 19:22, 22:11
ფ: ბრენდი (18), ნოჩიონი (11+5 მოხსნა), ჰოლიდეი (11), ჰაუსი (10).
პ: მეტიუზი (26), ოლდრიჯი (20+12 მოხსნა), როი (10).
ნიუ იორკი-ნიუ ჯერსი 111:100
30:28, 25:30, 33:15, 23,27
ნ-ი: სტაუდმაიერი (35+9 მოხსნა), ჩენდლერი (27+11 მოხსნა), ფელტონი (21+10 პასი+7 მოხსნა), გალინარი (13+6 მოხსნა).
ნ-ჯ: ლოპესი (36+5 მოხსნა), ფარმარი (17), აუთლო (13).
მემფისი-ლეიკერსი 98:96
27:27, 24:22, 19:16, 28:31
მ: კონლი (28), გეი (14+5 მოხსნა+6 დაფარება), რენდოლფი (13+8 მოხსნა), ჰენრი (12), მაიო (11), მ. გასოლი (10+9 მოხსნა).
ლ: ბრაიანტი (29+7 მოხსნა+5 პასი), პ. გასოლი (15+14 მოხსნა+4 დაფარება), არტესტი (12), ოდრმი (8+11 მოხსნა).
საკრამენტო-ინდიანა 98:107
23:22, 29:30, 17:28, 29:27
ს: უდრიხი (24), კაზინსი (20+8 მოხსნა), ევანსი (16+9 პასი+7 მოხსნა).
ი: გრეინჯერი (37+7 მოხსნა), კოლისონი (17+6 პასი), ჰიბერტი (16+8 მოხსნა), ჯონსი (12).
გ. სტეიტი-სან ანტონიო 98:118
26:30, 22:28, 25:33, 25:27
გ-ს: კარი (32+5 პასი), ლი (18+7 მოხსნა+5 პასი), რაიტი (13+5 მოხსნა), ელისი (12), ბიედრინში (4+18 მოხსნა).
ს-ა: ჯინობილი (27+6 პასი+5 ჩაჭრა), ბლეირი (16+10 მოხსნა), დანკანი (15+18 მოხსნა+11 პასი), ნოა (14), პარკერი (12+6 პასი), ჰილი (12), ჯეფერსონი (12).
