ეროვნული საკალათბურთო ასოციაციის ვარსკვლავი ლებრონ ჯეიმსი მაიამიში საფუძვლიანად დასახლებას აპირებს. როგორც ამერიკეული პრესა წერს, "ჰიტის" ფორვარდმა მაიამის გარეუბანში, ზღვის სანაპიროზე 9 მილიონ დოლარად შეიძინა სამსართულიანი სახლი, რომლის საერთო ფართობა ათას კვადრატულ მეტრს შეადგენს.
სახლში რვა საძინებელი ოთახია, ექვსი სააბაზანო, მარანი, ბიბლიოთეკა, საშინაო საკონცერტო დარბაზი, რამდენიმე სასტუმრო ოთახი, ბარი, აუზი და ორი იახტის მისაღები ადგილი. მოკლედ, "მეფეს" ახალი სასახლე აქვს.
