ეროვნული საკალათბურთო ასოციაციის კომისარმა ადამ სილვერმა განაცხადა, რომ კლუბების მფლობელებმა მოილაპარაკეს - არ შეცვალონ დრაფტის ლატარიის წესები. ამ მომენტისთვის, პირველი ნომრის არჩევის ყველაზე დიდი შანსი აქვს იმ გუნდს, რომელმაც რეგულარული ჩემპიონატი ყველაზე უარესი შედეგით დაასრულა. ამის გამო, კლუბების ნაწილს სერიოზული კრიტიკა ხვდებათ იმის გამო, რომ ისინი შეგნებულად ცდილობენ სეზონის ჩაგდებას, რათა დრაფტზე საკუთარი შანსები გაზარდონ.
"ახალი სატელევიზიო ხელშეკრულების გათვალისწინებით, რომელიც მალე შევა ძალაში, ახალ თანხებს მოიტანს და გაიზრდება მოთამაშეთა ხელფასის ზედა ზღვარი, კლუბების მფლობელებმა გადაწყვიტეს გადადონ ეს საკითხი, რათა დააკვირდნენ
ამ საკითხს კიდევ დავუბრუნდებით, მანამდე კი ყველაფერს დავტოვებთ ისე, როგორც არის. ყოველ შემთხვევაში, მომდევნო ორი წლის განმავლობაში", - განაცხადა სილვერმა.
ყოველდღიური სპორტული გაზეთი "ლელო"
