NBA-ის ხელმძღვანელობამ 10-მატჩიანი დისკვალიფიკაციით დასაჯა "მემფის გრიზლისის" წამყვანი მცველი ო ჯეი მაიო. მიზეზი ანტისადოპინგო პროგრამის დარღვევა გახლავთ. როგორც ეროვნული საკალათბურთო ასოციაციის ოფიციალური ვებგვერდი წერს, მაიოს ბოლო დოპინგსინჯმა დადებითი შედეგი აჩვენა აკრძალულ პრეპარატ დეგიდროეპიანდროსტერონზე. ეს პრეპარატი ანაბოლური სტერიოდების კატეგორიას მიეკუთვნება.
მაიოს დისკვალიფიკაციის ათვლა "ფილადელფიასთან" დღევანდელი მატჩით დაიწყება.
კალათბურთელი უკვე გამოეხმაურა ლიგის ამ გადაწყვეტილებას. ო ჯეის თქმით, პრეპარატი საკვებში იყო დამატებული, თავად კი არ იცოდა, რომ ის აკრძალული ნივთიერებების სიაში შედიოდა.
"ეს შეცდომა იყო, მაგრამ მზად ვარ საკუთარი საქციელის გამო პასუხი ვაგო.
.
