საქართველოს 18-წლამდე კალათბურთელთა ნაკრებმა ევროპირველობაზე მეოთხე მატჩიც წააგო

AutoSharing Option
საქართველოს 18-წლამდელთა ნაკრებმა ევროპის ჩემპიონატის B დივიზიონში ჯგუფის ბოლოსწინა მატჩი გამართა და ისევ დამარცხდა. ბუბა ბერიშვილისა და თემურ კანკიას გაწვრთნილმა გუნდმა ამჯერად სოლიდური უპირატესობით იგებდა, თუმცა ლიდეორბა გაანიავა და შეხვედრა დათმო. პირველი პერიოდის შემდეგ ქართველები 19:11 ამარცხებდნენ ბელგიას, ხოლო დიდ შესვენებაზე 10-ქულიანი ლიდერობით გავიდნენ – 41:31.

მე-3 პერიოდში ყველაფერი თავდაყირა დადგა. მოედანზე დაბრუნებული გუნდები სულ სხვაგვარად ათამაშდნენ – ბელგია შედეგიანად, საქართველო კი უხეიროდ და ჩვენმა ნაკრებმა ისტორიაში ალბათ ყველაზე ცუდი პერიოდი ითამაშა. ბელგიელებმა ქართველებს 10-წუთეული 36:5 მოუგეს და მატჩის ბედი
გადაწყვიტეს. 10 ქულით ჩამორჩენილმა ბელგიელებმა 21-ქულიანი ლიდერობა მოიპოვეს და შეხვედრაც მშვიდად მიიყვანეს გამარჯვებამდე.

მატჩი ბელგიელთა სასარგებლოდ – 83:65 დასრულდა. არ უთამაშია რატი ანდრონიკაშვილს, ხოლო საუკეთესო შედეგი საბა გიგიბერიამ დააფიქსირა, რომელმაც 15 ქულა, 13 მოხსნა, 3 ჩაჭრა და 3 დაფარება მოაგროვა. 13 ქულა და 6 მოხსნა მიითვალა ლუკა მაზიაშვილმა, ხოლო ზურა ჟღენტმა და დავით კაკუშაძემ თავი11-11 ქულას მოუყარეს. კაკუშაძემ 6 ქულა და 5 პასიც მიითვალა.

საქართველოს ნაკრები 4-დან 4 მარცხით მე-5 ადგილზეა და ამაზე მაღლა ვეღარ ავა. ეს კი იმას ნიშნავს, რომ ჩვენი ნაკრები ჯგუფური ეტაპის შემდეგ ბრძოლას 17-24 ადგილებისთვის განაგრძობს. ბოლო ტურში, 1 აგვისტოს, საქართველოს ნაკრები აზერბაიჯანს შეხვდება.

მომზადებულია GBF.GE-ს მიხედვით
მკითხველის კომენტარები / 3 /
რომელი ფედერაცია?...))ერთ მეოთხედში ევროპულ კალათბურთში 36 ქულას რო გაგიკეთებს ბელგია ეს იმას ნიშნავს რომ გუნდმა დაცვა საერთოდ არ იცის რა არი!რატომ არ იცის და ვინ უნდა ასწავლოს ნეტა?)))
გიორგი
15:00 01-08-2018
0
აი ამ შედეგის მერე ფედერაცია მწვრთნელებს თუ არ მოხსნით, ნამუსი არ გქონიათ!
Georgian
01:33 01-08-2018
0

სიახლეები პოპულარული