საქართველოს U20 ნაკრებმა მოსამზადებელი ეტაპი დაასრულა და 12 ივლისიდან ევროჩემპიონატში ჩაებმება

AutoSharing Option
საქართველოს 20-წლამდელთა ნაკრები 12 ივლისს ევროპის ჩემპიონატის "ბ" დივიზიონში ჩაებმება, გუშინ კი მილოშ გლიგორიევიჩის გაწვრთნილმა გუნდმა ბოლო მოსამზადებელი მატჩი გამართა.

ქართველები უკვე ევრობასკეტის მასპინძელ პორტუგალიაში არიან და ბოლო სპარინგიც ამ ქვეყნის ნაკრებთან გამართეს. საქართველოს ნაკრებმა ძალიან უშედეგოდ ითამაშა მეორე პერიოდში, რომელიც 9:35 წააგო და საბოლოოდ შეხვედრაც დიდი სხვაობით – 57:93 დათმო.

მილოშ გლიგორიევიჩი დ ამისი ასისტენტები - ირაკლი ძიძიგური და ჯაბა ბაქრაძე სათანადო დასკვნებს გამოიტანდნენ პორტუგალიასთან დამარცხებიდან და იმედია, 12 ივლისიდან ჩვენი ნაკრები მეტი შედეგიანობით შეუყვება ევრობასკეტს, რომელშიც 21 ქვეყანა
მონაწილეობს. გუნდები 4 ჯგუფში არიან განაწილებულნი. ერთადერთი 6-გუნდიანი ჯგუფია და მასში საქართველო მოხვდა:

A ჯგუფი: უნგრეთი, ირლანდია, ისლანდია, ბელარუსი, რუსეთი
B ჯგუფი: ჩეხეთი, ალბანეთი, ბულგარეთი, რუმინეთი, ფინეთი
C ჯგუფი: შვედეთი, კოსოვო, ჰოლანდია, საქართველო, სომხეთი, ესტონეთი
D ჯგუფი: პორტუგალია, ლუქსემბურგი, ბელგია, ჩრდილო მაკედონია, სლოვაკეთი

გათამაშების ფორმატის თანახმად, თითოეული ჯგუფიდან 2-2 საუკეთესო მეოთხედფინალში გავა და განაგრძობს ბრძოლას საუკეთესო სამეულში მოსახვედრად. სწორედ 3 საუკეთესო გუნდი მოიპოვებს ელიტარული, A დივიზიონის საგზურს. ჯგუფიდან ვერგასული გუნდები 9-21 ადგილებისთვის საკვალიფიკაციო ეტაპში გააგრძელებენ ასპარეზობას.

მომზადებულია Gbf.ge-ის მიხედვით.
მკითხველის კომენტარები / 0 /
კომენტარი ჯერ არ გაკეთებულა.

ასევე დაგაინტერესებთ
სიახლეები პოპულარული