კალათბურთში მსოფლიოს 2019 წლის ჩემპიონატის ევროპულ საკვალიფიკაციო ეტაპზე საქართველოს ნაკრების ბოლო მეტოქის ვინაობა გაირკვა. წილისყრის შედეგად G შესარჩევ ჯგუფში, სადაც საქართველოსთან ერთად გერმანია და სერბეთი არიან, ავსტრია მოხვდა. ამ 4 ნაკრებიდან 2 წრის შემდეგ 3 საუკეთესო მომდევნო ეტაპზე გავა და გააგრძელებს ბრძოლას მსოფლიოს 2019 წლის ჩემპიონატზე მოსახვედრად.
კალენდარი
24 ნოემბერი, 2017: გერმანია - საქართველო
27 ნოემბერი, 2017: საქართველო - სერბეთი
22 თებერვალი, 2018: ავსტრია - საქართველო
25 თებერვალი, 2018: საქართველო - გერმანია
29 ივნისი,
2 ივლისი, 2018: საქართველო - ავსტრია.
ფიბას ეგიდით კალათბურთში პლანეტის რიგით მეთვრამეტე პირველობას ჩინეთი 2019 წელს, 31 აგვისტოდან 15 სექტემბრის ჩათვლით უმასპინძლებს. ჩემპიონატში მონაწილეთა რიცხვი 24-იდან 32-მდე გაიზარდა. ფინალურ სტადიაზე მოთამაშე 31 ნაკრების ვინაობას (პლუს მასპინძელი) საკვალიფიკაციო ტურნირი გამოავლენს, რომელიც სტარტს 2017 წლის შემოდგომაზე აიღებს და 2019 წლის ზამთარში დასრულდება.
