კომბინაციები და კვლავ კომბინაციები - ილიას ზუროსი საქართველოს ეროვნულ ნაკრებს სპორტის სასახლეში ინტენსიურად ავარჯიშებს. იმ მოკლე დროში, რომელიც ფიბას მიერ ფორმატის შეცვლის შემდეგ გუნდებს მოსამზადებლად ეძლევათ, ბერძენი სპეციალისტი ცდილობს, გუნდი მაქსიმალურად მოამზადოს. ამიტომაც დღეს დილის ვარჯიში, თუ მცირე მოთელვას არ ჩავთვლით, პირდაპირ კომბინაციების დამუშავებით დაიწყო. დილის ვარჯიშამდე ნაკრების მოთამაშეები ვაკეში მდებარე ფიტნეს-ცენტრ "ასპრიაში" იმყოფებოდნენ, სადაც ტრენაჟორებზე დაკავდნენ და ამის შემდეგ მიაშურეს სპორტის სასახლეს. ივარჯიშა და კომბინაციების დამუშავებაში აქტიურად მონაწილეობდა ნაკრების ძირითადი გამთამაშებელი გიორგი ცინცაძე, რომელიც თბილისში გუშინ რუმინეთიდან ჩამოვიდა. მასთან
ეროვნული ნაკრები დღეს, საღამოს კიდევ ერთ, გენერალურ ვარჯიშს გამართავს. მის დაწყებამდე კი ნაკრების მოთამაშეები და მწვრთნელები მედიის წარმომადგენლებს სპორტის სასახლეში შეხვდებიან.
მომზადებულია gbf.ge-ს მიხედვით
